ەلورداداعى ۇلتتىق تەننيس ورتالىعىندا جاسوسپىرىمدەر اراسىنداعى «Davis Cup 16&under», «Billie Jean King Cup» جانە «World Junior Tennis Competition 14&under» تۋرنيرلەرىنىڭ ىرىكتەۋ سايىستارى مارەسىنە جەتىپ, كوكتەمدە 14 جانە 16 جاسقا دەيىنگىلەر اراسىنداعى كوماندالىق الەم چەمپيوناتىنىڭ ىرىكتەۋ سايىستارىنا قاتىساتىن قازاقستاننىڭ جاسوسپىرىمدەر قۇراماسى انىقتالدى.
اتاپ ايتقاندا, 16 جاسقا دەيىنگى ۇلدار اراسىنداعى جارىستا ءامىر ومارحانوۆ, زاڭعار نۇرلان ۇلى باق سىنايدى. بۇل جاس ساناتىنداعى ءۇشىنشى ويىنشى كەيىن انىقتالادى. ال قىزدار باسەكەسىندە ىڭكار دۇيسەباي, پولينا سلەپتسوۆا جانە اريانا گوگۋلينا كورتقا شىعادى. ال 14 جاسقا دەيىنگى ۇلدار اراسىندا ياروسلاۆ پشەنيچنىي, مانسۇر سايىنوۆ, ميحايل ميششەنكو, قىزدار سايىسىندا ەۆا كورىشەۆا, ەركەجان جاڭاتاەۆا جانە سابينا شۋحراتوۆا ونەر كورسەتەدى. «Davis Cup 16&under» جانە «Billie Jean King Cup» ىرىكتەۋ سايىستارى بيىل العاش رەت قازاقستاندا (شىمكەنت) وتەدى.
