سپورتتى دامىتۋ ديرەكتسياسىنىڭ ءباسپاسوز قىزمەتى تاراتقان مالىمەتكە سايكەس, قازاقستان ۇلتتىق قۇراماسىنىڭ سپورتشىلارى دوحاداعى تۋرنيردە ەكى جۇلدەگە قول جەتكىزدى. اۋەلى «لازەر ستاندارت» ساناتىندا سىنعا تۇسكەن انتون گااس مارەگە ءۇشىنشى جەتىپ, دۇنيەجۇزىلىك دودانىڭ قولا جۇلدەگەرى اتاندى.
ال تاعى ءبىر وتانداسىمىز بەرىك قۋباەۆ باس جۇلدەگە سىنىق سۇيەم قالعاندا ءسۇرىنىپ, كۇمىس مەدالدى قاناعات تۇتتى. 470 كلاسىندا سىنعا تۇسكەن جەرلەسىمىز مارەگە ەكىنشى جەتتى. ايتا كەتەيىك, قاتار استاناسىندا وتكەن جارىسقا الەمنىڭ 7 ەلىنەن كەلگەن 70-كە جۋىق سپورتشى قاتىستى.
