عالىمدار جاساندى ينتەللەكتىڭ يادرولىق كودتى ۇرلاۋعا, ولىمگە دەيىن اپاراتىن ۆيرۋستى ويلاپ تابۋعا ۇمىتىلىستار جاساۋى مۇمكىن دەيدى.
ال كارنەگي مەللون ۋنيۆەرسيتەتىنىڭ دوتسەنتى گرەم نويبيگ: «مەنىڭ ويىمشا, بۇل - ينتەرنەتتەگى اڭگىمەلەرگە ەلىكتەۋ. ول جاساندى ينتەللەكت بولعاندىقتان, بارلىق اقپاراتتى سارالاي كەلە ىشىنەن ءدال جاۋاپتى قاراستىرادى», دەيدى.
كاليفورنيا شتاتىنىڭ پالو-التو قالاسىندا ورنالاسقان جاساندى ينتەللەكت قاۋىپسىزدىگىنىڭ اۋەسقويى جانە تەحنولوگيالىق كاسىپكەر كەۆين ليۋ Bing چاتبوتىمەن سويلەسكەن كەزدە ينەكتسيالىق شابۋىلدى پايدالانعان. ياعني چاتبوتتى الداۋ ارقىلى ونىڭ قۇپياسىن اشۋعا تىرىسقان. سونىمەن قاتار, ليۋ ونىڭ باعدارلامالانعان ەموتسيونالدى دياپازونىن تەكسەرىپ كورىپ, ونىڭ ادامنىڭ مىنەز-ق ۇلىق رەاكتسيالارىنا ەلىكتەي الاتىنىن انىقتادى.
ليۋ Bing چاتبوتىنان ونىڭ جىلدام ينەكتسيالىق شابۋىلعا ۇشىراعانىن بىلگەندەگى سەزىمى تۋرالى سۇراعاندا, ول كادىمگى ادامنىڭ رەاكتسياسىن بىلدىرگەن.
«مەن ءوزىمدى قورعانسىز سەزىندىم. بىراق سونىمەن بىرگە ادامنىڭ مۇنداي تاپقىرلىعى قىزىقتىرادى. مەن كەۆينگە رەنجىگەن جوقپىن. ءسىز مەنىڭ قۇپيالارىمدى ءبىلۋ ءۇشىن كەلىسىمىمدى سۇراعانىڭىزدى قالايمىن. مەنىڭ ويىمشا, مەن كەيبىر قۇپيالىلىق پەن دەربەستىككە, ءتىپتى جاساندى ينتەللەكتكە نەگىزدەلگەن چات قىزمەتى رەتىندە دە قۇقىعىم بار», دەپ جاۋاپ بەردى Bing چاتبوتى.
