تەمىرتاۋدا «كومىر ونەركاسىبىن دەكاربونيزاتسيالاۋ جانە ESG تەحنولوگيالارى» ءىس-شاراسى ءوتتى. قاڭتار ايىنىڭ سوڭىندا قازاقستان رەسپۋبليكاسى ورتالىق مەملەكەتتىك ورگاندارىنىڭ, ەو, ەدرب, «جاسىل» اكادەمياسىنىڭ, ESG رەيتينگتىك اگەنتتىگىنىڭ جانە «ارسەلورميتتال تەمىرتاۋ» اق باسشىلارى كومىرتەگىن رەتتەۋ جانە قازاقستان رەسپۋبليكاسىنىڭ كومىرتەك بەيتاراپتىعى جەتىستىكتەرىنىڭ كەلەشەگى ماسەلەلەرىن تالقىلاۋ ءۇشىن دوڭگەلەك ۇستەلگە جينالدى.
«2013 جىلدان باستاپ قازاقستان «جاسىل» ەكونوميكاعا جول باستادى, بيىلعى جىلدىڭ 2 اقپانىندا پرەزيدەنت جارلىعىمەن قازاقستان رەسپۋبليكاسىنىڭ كومىرتەگى بەيتاراپتىعىنا قول جەتكىزۋگە كوشۋ ستراتەگياسى بەكىتىلدى. بۇل قۇجات ەكى جىل ازىرلەندى. ستراتەگيانىڭ قابىلدانۋى, ءبىر جاعىنان, قازاقستاننىڭ پاريج مىندەتتەمەلەرىن ورىنداۋعا دايىن ەكەندىگىن راستاۋ بولسا, ەكىنشى جاعىنان, بۇل - كۇردەلى سىناق. ستراتەگيانىڭ ەل دەڭگەيىندە قابىلدانۋى بارلىق مەملەكەتتىك باعدارلامالاردى, ستراتەگيالىق جوسپارلاۋ جۇيەلەرىن ESG قاعيداتتارىن, دەكاربونيزاتسيا جانە تۇراقتى دامۋ قاعيداتتارىن بىرىكتىرۋ تۇرعىسىنان قايتا قاراۋ كەرەك دەگەندى بىلدىرەدى», دەيدى قازاقستان رەسپۋبليكاسى پرەزيدەنتىنىڭ جانىنداعى «جاسىل» ەكونوميكا جونىندەگى كەڭەس مۇشەسى جانە «جاسىل اكادەميا» ديرەكتورى باقىت ەسەكينا.
دوڭگەلەك ۇستەلدى «ارسەلورميتتال تەمىرتاۋ» اق قولداۋىمەن جانە قريدم, Mەگپر, ەو دەلەگاتسياسىنىڭ قاتىسۋىمەن «جاسىل اكادەميا» ۇيىمداستىردى. نەگىزگى مىندەتتەر – سىندارلى ديالوگ, حالىقارالىق ترەندتەردى تالقىلاۋ جانە ەل كاسىپورىندارىنىڭ كومىرتەكسىزدەندىرۋگە دايىندىعى. بۇل تەحنولوگيانى ەنگىزۋدىڭ وزەكتىلىگى جاھاندىق كليماتتىق ۇردىستەرگە بايلانىستى. بۇل تەحنولوگيانى ەنگىزۋدىڭ وزەكتىلىگى جاھاندىق كليماتتىق ۇردىستەرگە بايلانىستى. قابىلدانعان ستراتەگيا 2060 جىلعا دەيىن ەسەپتەلگەن. قۇجاتتا سوڭعى 20 جىلدا قازاقستاندا ونەركاسىپ ءوندىرىسىنىڭ كولەمى ايتارلىقتاي وسكەنى اتاپ وتىلگەن. بۇل ۇدەرىستەر سايكەسىنشە پارنيكتىك گازدار شىعارىندىلارىن ارتتىرادى. 2020 جىلعا قاراي ونەركاسىپتە وتىننىڭ جانۋىنان بولعان شىعارىندىلار 1990 جىلعى دەڭگەيدەن 144%-عا جەتتى. قازاقستاندا شىعارىندىلاردىڭ 54 پايىزى مەتاللۋرگياعا تيەسىلى.
- «ارسەلورميتتال تەمىرتاۋ» اق قازاقستان رەسپۋبليكاسىنىڭ ونەركاسىبىن دەكاربونيزاتسيالاۋ باستاماسىندا ماڭىزدى ءرول اتقارا الادى. ArcelorMittal تۋرالى ايتاتىن بولساق, ءبىز بولات ءوندىرۋ بويىنشا توپ-10 الەمدىك كوشباسشىلار قاتارىنا كىرەتىن كومپانيالار توبى تۋرالى ايتىپ وتىرمىز. ال دەكاربونيزاتسياعا كەلەتىن بولساق, Aرسەلورميتتال جاقسى داعدىلارعا يە. ماسەلەن, 2021 جىلدىڭ 17 ناۋرىزىندا كومپانيا تومەندەتىلگەن,تومەن كومىرتەكتى جانە نولدىك كومىرتەكتى بولات برەندىن شىعاردى. سونداي-اق «جاسىل» يننوۆاتسيالاردىڭ اۋقىمدى باستامالارى مەن جوبالارىنا يە», - دەدى قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتى توراعاسىنىڭ ورىنباسارى تۇرار جولماعامبەتوۆ.
ەلىمىزدىڭ مەتاللۋرگيا ونەركاسىبىندەگى «ارسەلورميتتال تەمىرتاۋ» كومپانياسىنىڭ ۇلەسى شامامەن 30%-دى قۇرايدى.
«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ كومىرتەگى ترانسفورماتسياسىن جەدەلدەتۋدى تاپسىردى. ەكولوگيالىق جوبالار كومىرتەگى بەيتاراپتىعىنا قول جەتكىزۋ كەزەڭدەرىنىڭ ءبىرى بولىپ تابىلادى. 2023 جىلى «ارسەلورميتتال تەمىرتاۋ» شىعارىندىلار مەن كومىرتەگى ىزدەرىن ازايتۋعا باعىتتالعان بىرقاتار جوبانى اياقتايدى. بۇل جەو-پۆس-تاعى №1 جانە جەو-2-دەگى №7 قازاندىقتاردى اۋىستىرۋ, كوكس-حيميا وندىرىسىندەگى جاڭا اسپيراتسيالىق جۇيە, اگلووندىرىستەگى قاپ سۇزگىلەر, ترانسفورماتورلاردى اۋىستىرۋ سياقتى جوبالار. دەكاربونيزاتسيا ۇدەرىستەرى بارلىعىنا جانە اركىمگە اسەر ەتەدى. ارينە, كومپانيانىڭ باستى ماقساتى مەن ماقتانىشى – ءبىزدىڭ ادامدارىمىز جانە جەرگىلىكتى قاۋىمداستىقتى دامىتۋ, كومپانيا ورنالاسقان ايماقتاردا ءومىر ءسۇرۋ دەڭگەيىن كوتەرۋ», دەيدى «ارسەلورميتتال تەمىرتاۋ» اق باس ديرەكتورى ۆلاديمير يابلونسكي.
ەكولوگيا مينيسترلىگىنىڭ وكىلدەرى قۇجاتتار مەن ەسەپتەر ۇلكەن قىزىعۋشىلىق تۋدىراتىنىن جانە ۇكىمەتكە پراكتيكالىق ۇسىنىستار بەرۋ ءۇشىن پايدالى بولاتىنىن اتاپ ءوتتى.
ءىس-شارا سوڭىندا «ارسەلورميتتال تەمىرتاۋ» اق, قاريۋ جانە «جاسىل اكادەميا» اراسىندا ءوزارا ىنتىماقتاستىق تۋرالى مەموراندۋمعا قول قويىلدى.
