جەلىدە تاراعان ۆيدەو كادرلارىنان مەدبيكەنىڭ جەر سىلكىنىسى كەزىندە اۋرۋحانادان قاشىپ كەتپەي, ناۋقاس سابيلەردى قۇتقارۋعا جۇگىرگەنىن بايقاۋعا بولادى. بۇل مەدبيكەنىڭ ەسىمى - سەيما الاكۋچ.
«جەر سىلكىنگەن كەزدەگى مەنىڭ مىندەتىم ناۋقاستارعا بارۋ ەدى. ويتكەنى ولاردى قورعاي الامىن دەپ ويلادىم. ۋاقىت تىعىز بولعاندىقتان, جەدەل تۇردە ويلانباستان ارەكەت ەتتىم. سەبەبى ءارى قاراي نە بولاتىنى بەلگىسىز ەدى. قولىمنان كەلگەنىن جاساپ ناۋقاستاردى سىرتقا الىپ شىقتىم. بۇل سول كەزدە ويلاعان جالعىز نارسە ەدى. ءۇش پالاتادا مەنىڭ ناۋقاستارىم جاتتى. ءبىر ناۋقاس مەنىڭ جەر سىلكىنىسى تۋرالى ايعايلاعانىمدى ەستىپ, ءوزى شىعىپتى. جەر سىلكىندى دەپ ايعايلادىم, بىراق ولاردىڭ قورقىپ, دابىلعا سالىنباۋىن دا ويلادىم. مۇنداي كەزدە ءوزىڭ تۋرالى ويلامايدى ەكەنسىڭ. سەنىڭ كومەگىڭە ءزارۋ ادامدار بولادى. ويتكەنى مۇنداي ساتتە نەمەن بەتپە-بەت كەلەرىڭدى بىلمەيسىڭ. ەگەر سول كەزدە قاشىپ كەتسەم, ءومىر بويى ارىم مازالاۋشى ەدى. قانداي جاعداي بولسا دا, مىندەتىمدى ورىنداپ, ناۋقاستارىمدى قۇتقارۋىم كەرەك. ءبىزدىڭ اۋرۋحانادا ناۋقاستارىمىز ءاردايىم ءبىرىنشى ورىندا تۇرادى. سول ءتۇنى دە جۇرەگىم سەزىپ, وسىندا كەلدىم», دەدى سەيما الاكۋچ شەتەلدىك باق وكىلدەرىنە بەرگەن سۇحباتىندا.
ماماندىعىنا ادال دارىگەر سەيما الاكۋچتىڭ بۇل ارەكەتى الەم جۇرتشىلىعىنىڭ ريزاشىلىعىن الدى. جەلىدە كوپتەگەن وقىرماندار بويجەتكەنگە العىس ايتىپ, تەك ساتتىلىك تىلەدى.
