ۆەدومستۆو ديزەل وتىنىن ءبولۋدىڭ بارلىق پروتسەستەرىن, ونىڭ ىشىندە ديزەل وتىنىن جەتكىزۋ جونىندەگى وپەراتورلاردى ايقىنداۋ جونىندەگى كوميسسيانىڭ جۇمىس ءتارتىبىن جانە وپەراتورلاردى ايقىنداۋ شارتتارىن, سونداي-اق ديزەل وتىنىنىڭ كولەمىن سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسىندە ەلەكتروندى قالىپتاستىرۋ جانە ءبولۋ پروتسەسىن قامتيتىن قاعيدالاردىڭ جوباسىن ازىرلەدى.
شارۋالار ءۇشىن جانارماي كولەمىن قالىپتاستىرۋ جانە ءبولۋ اۋىل شارۋاشىلىعى داقىلدارىنىڭ تۇرلەرى بويىنشا 1 گەكتارعا ديزەل وتىنى شىعىسىنىڭ نورماتيۆتەرىنە سايكەس, ەگىس القاپتارىن ەسكەرە وتىرىپ جۇرگىزىلەدى.
ديزەل وتىنىن الۋشىلاردىڭ ءتىزىلىمى gosagro.kz. پورتالىندا اۆتوماتتاندىرىلعان رەجيمدە جاسالادى.
قازىرگى ۋاقىتتا قاعيدالار جوباسى سالالىق قوعامدىق ۇيىمدار مەن «اتامەكەن» ۇكپ-دا قاراۋ جانە كەلىسۋ راسىمىنەن ءوتىپ جاتىر. قۇجاتتىڭ جوباسىمەن «اشىق نقا» پورتالىندا دا تانىسۋعا بولادى.
