جەلىلىك سۋ قۇبىرىنىڭ زاقىمدانۋ ورنىن وقشاۋلاۋ ءۇشىن كەزەكپەن № 12, 13, 15 جۇمىس ىستەيتىن قازاندىق اگرەگاتتارى, جەلىلىك سورعىلار توقتاتىلدى. زاقىمدالعان ۋچاسكەنى كەسۋ جۇمىستارى جۇرگىزىلىپ, جوندەۋ جۇمىستارى باستالدى.
«ستانتسيانىڭ جۇمىسى توقتاعان جوق. № 5, 6, 9 ءۇش ەنەرگەتيكالىق قازاندىق اگرەگاتى جانە ەنەرگەتيكالىق سورعىلار جۇمىس ىستەپ تۇر. سالقىنداتقىشتىڭ اينالىمى تومەندەتىلگەن پارامەترلەرمەن قامتاماسىز ەتىلدى», دەلىنگەن حابارلامادا.
«ەكىباستۇز جىلۋ ەنەرگو» وكىلدەرىنىڭ ايتۋىنشا, زاقىمدانۋ ورنى بۇگىن قالپىنا كەلتىرىلەدى. سودان كەيىن توقتاعان قازاندىق اگرەگاتتارىن تولتىرۋ جانە ولاردى جۇمىسقا كەزەڭ-كەزەڭىمەن ەنگىزۋ جۇرگىزىلەدى. ساعات 00:00-گە دەيىن ستانتسيا سالقىنداتقىشتىڭ پارامەترلەرىنە 60°س-قا شىعۋدى جوسپارلاپ وتىر.
ايتا كەتسەك, جىل باسىنان بەرى ەكىباستۇز تۇرعىندارى بىرنەشە رەت جىلۋسىز قالعان.
