وتكەن جىلدىڭ قىركۇيەك ايىندا «ارسەلورميتتال تەمىرتاۋ» اق جانە «تەمىرتاۋ قالاسىنىڭ ورتالىق اۋرۋحاناسى» كمك مەموراندۋمعا قول قويعان. مەموراندۋمنىڭ باستى ماقساتى – تەمىرتاۋ قالاسىنىڭ تۇرعىندارىنا مەديتسينالىق كومەكتىڭ ساپاسىن جاقسارتۋ. وسى كەلىسىم اياسىندا «ارسەلورميتتال تەمىرتاۋ» اق شاھارداعى ورتالىق اۋرۋحانا ءۇشىن كۇيىك بولىمشەسىنە ارنالعان زاماناۋي جابدىقتاردى ساتىپ الدى. جەرگىلىكتى دارىگەرلەردىڭ ارسەنالىندا ءموبيلدى رەنتگەن اپپاراتى مەن جاڭا «جەدەل جاردەم» كولىگى پايدا بولدى.
«200 ميلليون تەڭگەدەن استام سوماعا جابدىق ساتىپ الىندى. ولار – كۇيىككە قارسى ەكى جاپوندىق توسەك, «جەدەل جاردەم» كولىگى, وتتەگى گازيفيكاتورى جانە جىلجىمالى رەنتگەن اپپاراتى. بۇگىنگى كۇنى مەموراندۋم بويىنشا قابىلدانعان مىندەتتەمەلەردىڭ ءبارى ورىندالدى. ەندى كۇيىك بولىمشەسىنىڭ پاتسيەنتتەرى شۇعىل كومەكتى ساپالى ءارى قولايلى جاعدايدا الا الادى», دەيدى «تەمىرتاۋ قالاسىنىڭ ورتالىق اۋرۋحاناسى» كمك ديرەكتورى سامات كەنجەباەۆ.
قالانىڭ ورتالىق اۋرۋحاناسىنىڭ دارىگەرلەرى ءبىراۋىزدان جاڭا جابدىقتاردى دەنساۋلىق ساقتاۋ ىسىنە قوسىلعان باعا جەتپەس ۇلەس دەپ ساناپ, بۇل اۋىر جاراقاتتارى بار ناۋقاستارعا شۇعىل كومەكتى جاقسارتۋعا مۇمكىندىك بەرەتىنىن ايتىپ وتىر. كۇيىككە قارسى توسەك پاتسيەنتكە دەنەسىنىڭ سالماعىن سەزدىرمەيدى, ياعني ارقا جاعىندا ۇلكەن كۇيىگى بار ادام سالماقسىزدىق جاعدايىندا اۋەدە قالىقتاپ جۇرگەندەي بولادى, دەنەسىنىڭ سالماعى جاراعا كۇش تۇسىرمەيدى. بۇل ەمدەلۋشىنىڭ اۋىرسىنۋىن ازايتىپ, ەمدەۋ كۋرسى جايلى دا ناتيجەلى بولۋىنا مۇمكىندىك بەرەدى. بۇعان قوسا, ناۋقاستىڭ دەنەسىنە قىسىم قان اينالىمىن قيىنداتپايتىنداي ەتىپ بولىنەدى. ال ميكروسفەرالار ارقىلى وتەتىن اۋا اۆتوماتتى تۇردە قاجەتتى تەمپەراتۋراعا دەيىن قىزىپ, تەرىنى كەپتىرىپ, باكتەريالاردىڭ كوبەيۋىنە جول بەرمەيدى.
كەرەۋەتتەر جاسالعان ماتەريال جۇقپالى اۋرۋلار قاۋپىن ازايتادى. سونداي-اق مۇنداي كەرەۋەتتەر ۇزاق ەمدەۋ كۋرستارىنا جانە وزدىگىنەن قوزعالا المايتىن ناۋقاستارعا قاجەت. ويتكەنى ولار تەرىنىڭ ويىلۋىن بولدىرمايدى. توسەك تەرىنىڭ تەرەڭ داعى, مىلجالانۋى جانە ۇسىك شالۋى سياقتى جاراقاتتارىن جازۋ ۇدەرىسىن تەزدەتەدى. تاعى ءبىر ماڭىزدى جاڭالىق – بولىمشەنى ورتالىقتاندىرىلعان وتتەگىمەن قامتاماسىز ەتۋ. بۇل بۇرىنعى باللون جۇيەسىن جويىپ, قاۋىپسىز دە ۇزدىكسىز جۇمىس ىستەۋگە مۇمكىندىك تۋعىزىپ وتىر. بۇعان قوسا, جىلجىمالى رەنتگەن اپپاراتى ساتىپ الىندى. ول تاسىمالداۋعا بولمايتىن, وتتەگىگە تاۋەلدى, وزدىگىنەن قوزعالا المايتىن پاتسيەنتتەردى نەمەسە جاعدايى اۋىر ناۋقاستاردى دياگنوستيكالاۋ ءۇشىن قاجەت. اپپارات زاماناۋي تسيفرلىق جۇيەدە جۇمىس ىستەيدى: سۋرەتى بار فايلدى دەرەۋ الەمنىڭ كەز كەلگەن جەرىنە – ەمدەۋشى دارىگەردىڭ ۇيالى تەلەفونىنا نەمەسە باسقا قالاداعى مەديتسينالىق مامانداردىڭ كونسيليۋمىنا جىبەرۋگە بولادى,
«رەنتگەن اپپاراتى كەرەمەت, ءموبيلدى, وسىنداي اپپاراتۋرانىڭ كومەگىمەن ءبىز جىلدام ءارى ءدال دياگنوستيكا جاساپ, پاتسيەنتتەرىمىزگە ءومىر سىيلايمىز. وسىنداي اپپارات ءۇشىن, وسىنداي سىيلىق ءۇشىن «ارسەلورميتتال تەمىرتاۋعا» راحمەت!», دەيدى ورتالىق اۋرۋحانا دارىگەرلەرى.
دارىگەرلەر ەندى ناۋقاستاردى اۋرۋحاناعا رەانيماتسيالىق جۇيەمەن جابدىقتالعان «جەدەل جاردەم» كولىگىمەن جەتكىزەدى. دارىگەرلەر جاڭا تەحنيكا بارلىق ناۋقاسقا پايدالى بولاتىنىنا سەنىمدى.
- «ارسەلورميتتال تەمىرتاۋ» – الەۋمەتتىك-جاۋاپتى كومپانيا. ول ءوزى جۇمىس ىستەيتىن وڭىرلەردەگى تۇرمىس دەڭگەيىن ارتتىرۋعا باعىتتالعان جوبالاردى ىسكە اسىرۋدا. وتكەن 2022 جىلى الەۋمەتتىك ينۆەستيتسيالاردىڭ سوماسى 52 ميلليارد تەڭگەدەن استى. ءبىز الەۋمەتتىك باعىتتاعى جۇمىستى ودان ءارى جالعاستىرامىز. ءبىز وسىنداي ماڭىزدى ۇلەس قوسىپ, تەمىرتاۋ تۇرعىندارىنا ساپالى مەديتسينالىق كومەك كورسەتىلەتىن بولعانىنا, سونداي-اق جاڭا جابدىقتىڭ جاردەمىمەن اۋرۋلاردى ەرتە دياگنوستيكالاۋعا مۇمكىندىك تۋعانىنا قۋانىشتىمىز», - دەيدى «ارسەلورميتتال تەمىرتاۋ» اق باس ديرەكتورى ۆلاديمير يابلونسكي.
