تاراپتار بىرنەشە ماڭىزدى ماسەلەلەردى, سونىڭ ىشىندە بيىل كوكتەمدە استانادا وتەتىن شاحماتتان الەم چەمپيوناتىن ۇيىمداستىرۋ ماسەلەلەرىن تالقىلادى.
«FIDE-ءنىڭ ءبىزدىڭ ەلدى تاڭداۋىنىڭ ءبىر سەبەبى بار ەكەنىن اتاپ وتكىم كەلەدى. قازاقستان شاحماتتان ەڭ تاماشا كەزەڭدى باستان كەشۋدە. مەملەكەت باسشىسى قاسىم-جومارت توقاەۆ ەلىمىزدەگى شاحمات قوزعالىسىنىڭ دامۋىن جەكە باقىلاۋىندا ۇستاپ وتىر. 2022 جىلى رەسپۋبليكا بويىنشا 7 618 سەكتسيادا 253 مىڭنان استام ادام شاحماتپەن جۇيەلى تۇردە شۇعىلداندى. وقۋ جىلىنىڭ باسىنان بەرى «شاحمات» ءپانى تاڭداۋ ءپانى رەتىندە 28 مىڭعا جۋىق بالاعا ارنالعان 654 مەكتەپتە ەنگىزىلدى», دەپ جازدى اسحات ورالوۆ Facebook پاراقشاسىندا.
مينيستر اتاپ وتكەندەي, جاس شاحماتشىلارعا ۇلگى بولاتىن سپورتشىلار بار. دينارا سادۋاقاسوۆا, جانسايا ابدىمالىك, ءبيبىسارا اساۋباەۆا جانە باسقا دا شاحماتشىلار تاريحتا ءوز ەسىمدەرىن قالدىردى.
«كۇزدە قازاقستان رەسپۋبليكاسىنىڭ پرەزيدەنتى FIDE باسشىسىمەن كەزدەسىپ, ءبىزدىڭ ەل مەن حالىقارالىق شاحمات فەدەراتسياسى اراسىنداعى ىنتىماقتاستىقتىڭ كەلەشەگىن تالقىلادى. بۇل باعىتتاعى جۇمىستار جالعاسا بەرەدى», دەلىنگەن جازبادا.
