وسى جىلدىڭ 18 قاڭتارىندا تالدىقورعان قالاسى كراسين كوشەسىندەگى بەس قاباتتى ۇيدە ەلەكتر سىمدارىنىڭ تۇيىقتالۋىنان ءورت شىقتى. سول كۇنى جوندەۋ روتاسى بولىمشەسىنىڭ كومانديرى ەرىك قاسىمبەكوۆكە ناريادتا قىزمەت اتقارعانى ءۇشىن دەمالىس بەرىلگەن بولاتىن.
كىرەبەرىستەگى ايقايدى ەستىگەن ول تەز ارادا پاتەرىنەن جۇگىرىپ شىعادى. اسكەري قىزمەتشى كورشىلەرىنەن قارت كىسى تۇراتىن پاتەردىڭ جانىپ جاتقانىن ەستىپ بىلەدى. ەرىك قاسىمبەكوۆ ەش ويلانباستان پاتەرگە كىرىپ, قارت كىسىنى قاۋىپسىز جەرگە الىپ شىعادى.
اسكەري قىزمەتشىنىڭ بۇل باتىل ارەكەتى نازاردان تىس قالمادى. جەتىسۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى ازاماتتىق قورعانىس پودپولكوۆنيگى يگور جۋكوۆ ەرىك قاسىمبەكوۆكە سالتاناتتى جاعدايدا ماراپات تابىستادى.
– قارۋلى كۇشتەر اسكەري قىزمەتشىسىنىڭ باتىل قيمىلى ادام ءومىرىن ساقتاپ قالدى. ول وتقا ورانعان پاتەردەن 84 جاستاعى ايەلدى قۇتقارىپ الىپ شىقتى. ونىڭ جانقيارلىق ارەكەتى ەسكەرىلمەي قالعان جوق. توتەنشە جاعدايلار ءمينيسترىنىڭ بۇيرىعىمەن ەرىك قاسىمبەكوۆ ۆەدومستۆولىق مەدالمەن ماراپاتتالدى, – دەدى وبلىستىق دەپارتامەنت وكىلى.
مۇنداي قيىن جاعدايدا اسكەري دەسانتشى ەرىك قاسىمبەكوۆكە باسقاشا ارەكەت ەتۋ مۇمكىن ەمەس ەدى. ادامدارعا قول ءۇشىن سوزىپ, قۇتقارۋ – ناعىز ەر جىگىتتىڭ ءىسى.
