بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا پەتروپاۆل مەكتەبىندە جۇرگىزىلگەن تەكسەرۋ ناتيجەلەرى مەن باسقا وقۋ ورىندارىندا قاۋىپسىزدىكتى قامتاماسىز ەتۋ جوسپارلارى تۋرالى ايتىپ بەردى.
«كوميتەت ادىستەمەلىك جانە پسيحولوگيالىق كومەك بويىنشا جۇمىستى جالعاستىرادى. مەملەكەت باسشىسىنىڭ تاپسىرماسى بويىنشا 2019 جىلدان باستاپ ءبىلىم بەرۋ وبەكتىلەرىندەگى قاۋىپسىزدىك جاعدايىنا توقسان سايىن مونيتورينگ جۇرگىزىلەدى. كەلەسى اپتادان باستاپ ءبىر اي بويى بالا قۇقىقتارى جونىندەگى وڭىرلىك ۋاكىلدەردىڭ, اتا-انالاردىڭ, ساراپشىلاردىڭ, بۇكىل ەل بويىنشا ۇكىمەتتىك ەمەس ۇيىمداردىڭ قاتىسۋىمەن وقۋ ورىندارىندا قاۋىپسىزدىكتى ۇيىمداستىرۋ ماسەلەسى بويىنشا تەكسەرۋ جۇرگىزەمىز», دەپ اتاپ ءوتتى ول.
ۆەدومستۆونىڭ ءباسپاسوز قىزمەتى حابارلاعانداي, قازىرگى ۋاقىتتا كوميتەت مۇددەلى مەملەكەتتىك ورگانداردىڭ قىزمەتىن ۇيلەستىرۋدى جانە تالداۋدى جۇزەگە اسىراتىن قۇقىقتىق بازانى قالىپتاستىرۋ بويىنشا جۇمىس جۇرگىزپ جاتىر.
وتكەن جىلى وبەكتىلەردى تەرروريزمگە قارسى قورعاۋدى ۇيىمداستىرۋ جونىندەگى نۇسقاۋلىق ازىرلەنگەنىن ەسكە سالايىق. سونداي-اق بيىل قاڭتار ايىندا وڭىرلەرگە پەداگوگتار مەن ءبىلىم الۋشىلارعا ارنالعان ءىس-قيمىل الگوريتمدەرى جىبەرىلدى.
«مينيسترلىك بالالاردى زورلىق-زومبىلىقتان, سۋيتسيدتەن قورعاۋ جانە ءال-اۋقات قۇقىقتارىن قامتاماسىز ەتۋ, ونىڭ ىشىندە قاۋىپسىزدىك جۇيەسىن ۇيىمداستىرۋ جونىندەگى كەشەندى جوسپاردىڭ جوباسىن ازىرلەپ جاتىر. وعان 20-عا جۋىق مەملەكەتتىك ورگاندار مەن وڭىرلەر جۇمىلدىرىلعان», دەدى ناسىمجان وسپانوۆا.
سوڭىندا عاني بەيسەمباەۆ ەلىمىزدىڭ بارلىق وقۋ ورىندارىنا 2023 جىلعى 20 اقپاننان 20 ناۋرىزعا دەيىن كەشەندى قاۋىپسىزدىك جۇيەسىمەن قامتاماسىز ەتىلۋىنە مۇقيات مونيتورينگ جۇرگىزۋدى, وسى ماسەلەدە ءوزارا ءىس-قيمىلدىڭ پارمەندى تەتىكتەرىن ازىرلەۋدى تاپسىردى.
