«2023 جىلى ءۇش ۆيزيت-ورتالىقتىڭ قۇرىلىسىن اياقتاۋ جوسپارلانىپ وتىر. ول «ساۋران», «گاۋحار-انا» جانە «ورداباسى» تۋريستىك ورالىقتارى. اتالعان تاريحي ۆيزيت-ورتالىقتاردىڭ ۇشەۋى دە ەلىمىزدىڭ رۋحاني استاناسى - تۇركىستان وبلىسىندا ورنالاسقان», دەدى جانات سەيداليەۆا.
«ساۋران» قالاشىعى تۇركىستان قالاسىنان 40 شاقىرىم جەردە. مۇندا كەلۋشىلەر مەن تۋريستەرگە قىزمەت كورسەتۋ ءۇشىن زامانعا ساي ينفراقۇرىلىم جاسالادى. ال, «گاۋحار-انا» كەسەنەسى - ورتا ازيا اۋماعىنداعى ايەلدەر قۇلشىلىق جاساۋعا ارنالعان ورىن.
ۆيزيت-ورتالىقتا قوناقتارعا جايلى جاعداي جاساۋ ءۇشىن تۇنەۋگە ارنالعان ورىندار قاراستىرىلعان. «ورداباسى» اۋماعىندا دا ۆيزيت-ورتالىقتىڭ قۇرىلىسى بەلسەندى ءجۇرىپ جاتىر.
«ۆيزيت-ورتالىقتار ءبىرىنشى كەزەكتە عىلىمي, مادەني, اقپاراتتىق كەشەندەر رەتىندە پايدالانىلادى. مۇندا تۋريستەر ءۇشىن بارلىق قولايلى جاعداي جاسالادى. بۇدان بولەك جەرگىلىكتى جەردىڭ مادەني-تۋريستىك كلاستەرىن دامىتۋعا, ءوڭىردىڭ برەندكە اينالعان تاريحي-مادەني جانە تابيعي رەسۋرستاردى پايدالانا وتىرىپ, يميدجدىك, تۋريستىك ونىمدەردى جاساۋعا ۇلكەن مۇمكىندىك», دەدى تاريحي-مادەني مۇرا باسقارماسىنىڭ باسشىسى جانات سەيداليەۆا.
بۇگىنگى تاڭدا قازاقستاندا ءۇش ۆيزيت-ورتالىق تولىق قارقىندا جۇمىس ىستەپ جاتىر. ول الماتى وبلىسىنداعى «تاڭبالى», ۇلىتاۋ وبلىسىنداعى « ۇلىتاۋ» جانە تۇركىستان وبلىسىنداعى «وتىرار» ورتالىقتارى.
