مينيستر مەرگەندەردىڭ جەتىستىكتەرىن ەرەكشە اتاپ ءوتىپ, جاتتىقتىرۋشىلار قۇرامىنا العىس ايتتى. سونداي-اق سپورتشىلاردىڭ پاريجدەگى وليمپيا ويىندارىندا لايىقتى ونەر كورسەتەتىنىنە سەنىم ءبىلدىردى.
«ەلىمىزدىڭ سپورتشىلارى العاش رەت نىسانا كوزدەۋ جارىسىندا جالپىكوماندالىق ەسەپتە كوش باسىنان كورىندى. جاس مەرگەندەر وليمپيادا چەمپيوندارىمەن تەڭ دارەجەدە ونەر كورسەتىپ, جارقىن جەڭىسكە قول جەتكىزدى. قۇرامانىڭ جاتتىقتىرۋشىلارى مەن وزگە دە مامانداردىڭ جۇمىسىن ەرەكشە اتاپ وتكىم كەلەدى. سپورتشىلاردىڭ نىسانا كوزدەۋدەن عانا ەمەس, ستەندتىك وق اتۋداعى جەتىستىكتەرى ۇلتتىق قۇرامانىڭ الداعى پاريج وليمپياداسىندا جاقسى ناتيجە كورسەتەتىنىنە زور سەنىم ۇيالاتادى», دەدى مينيستر.
الەم كۋبوگىندە ەل قۇراماسى اتىنان 15 سپورتشى (9 جىگىت جانە 6 قىز) ونەر كورسەتتى. سپورت شەبەرلەرى مەن حالىقارالىق دارەجەدەگى سپورت شەبەرلەرىنەن قۇرالعان كوماندا ءۇش التىن, بەس كۇمىس جانە ءۇش قولا جۇلدەمەن جالپىكوماندالىق ەسەپتە ءبىرىنشى ورىندى يەلەندى.
التىن مەدال يەگەرلەرى: نيكيتا چيريۋكين – مىلتىقتان 25 مەتردەن جىلدامدىققا اتۋ, ارينا التۋحوۆا – مىلتىقتان ءۇش پوزيتسيادان اتۋ (50 م), الەكساندرا لە, ەليزابەت بەزرۋكوۆا جانە اناستاسيا گريگورەۆادان قۇرالعان ايەلدەر كومانداسى – پنەۆماتيكالىق مىلتىقتان 10 مەتردەن اتۋ.
كۇمىس مەدال العاندار: كونستانتين مالينوۆسكي – پنەۆماتيكالىق مىلتىقتان 10 مەتردەن اتۋ, نيكيتا شاحتورين, كونستانتين مالينوۆسكي جانە يسلام ساتباەۆ –پنەۆماتيكالىق مىلتىقتان 10 مەتردەن اتۋ, نيكيتا چيريۋكين, ۆالەري راحيمجان جانە الەكسەي لوتارەۆ – پنەۆماتيكالىق مىلتىقتان 10 مەتردەن اتۋ, كونستانتين مالينوۆسكي, ماتۆەي تيموفەەۆ, يسلام ساتباەۆ – مىلتىقپەن ءۇش پوزيتسيادان اتۋ (50 م), ارينا التۋحوۆا, الەكساندرا لە, ەليزاۆەتا بەزرۋكوۆا – مىلتىقتان ءۇش پوزيتسيادان اتۋ (50 م).
قولا جۇلدەگەرلەر: يرينا يۋنۋسمەتوۆا جانە ۆالەري راحيمجان – پپ-ميكس, يرينا يۋنۋسمەتوۆا, ولگا اكسەنوۆا جانە ساۋلە الىمبەك – 25 مەتردەن مىلتىق اتۋ, ەليزاۆەتا بەزرۋكوۆا جانە يسلام ساتباەۆ – ۆپ-ميكس.
جاكارتادا وتكەن الەم كۋبوگى سپورتشىلارعا الەمدىك رەيتينگتەگى پوزيتسيالارىن جاقسارتۋعا, وليمپياداعا ليتسەنزيا الۋ ءۇشىن تالاسقا تۇسۋگە مۇمكىندىك بەرەتىنىن ايتا كەتكەن ءجون.
