جاستار اراسىندا جۇرگىزىلگەن ساۋالناما كاسىپكەرلىك قىزمەتتە جاستاردىڭ قانداي تاجىريبە العانىن كورسەتتى:
- تاجىريبەسى ءساتتى دە ءساتسىز بولعاندار – 5,6%;
- تاجىريبەسى ءساتتى بولعاندار – 4,9%;
- قازىر كاسىپكەرلىكپەن اينالىساتىندار – 4,4%;
- تاجىريبەسى ءساتسىز بولعاندار – 4,1%.
ال قالعان 79,2 پايىز رەسپوندەنت كاسىپكەرلىك سالاسىندا ەش تاجىريبەسى جوق ەكەنىن ايتقان.
قازىر كاسىپكەرلىكپەن اينالىساتىنداردىڭ ىشىندە رەسپوندەنتتەردىڭ:
- 7,3 پايىزى – 24-28 جاستا;
- 4,7 پايىزى – 19-23 جاستا;
- 1,2 پايىزى – 14-18 جاستا.
«كاسىپكەرلىك قىزمەتتە قالا جاستارىنىڭ 17,7 پايىزىندا, اۋىل جاستارىنىڭ 20,9 پايىزىندا مۇنداي تاجىريبە بار. جاس قازاقستاندىقتار اراسىندا جۇمىسسىزدىق ماسەلەسى ءالى دە وزەكتى. 2019 جىلى 3,7 پايىزدان 2021 جىلى 3,8 پايىزعا دەيىن 0,1 پايىزدىق تارماققا ءوستى, قالادا – 4,1 %, اۋىلدىق جەرلەردە – 3,2 %. كوبىنەسە ءبىلىم دەڭگەيى تومەن جاستار جۇمىسسىز ءجۇر», دەلىنگەن زەرتتەۋدە.
2021 جىلى 15-28 جاس ارالىعىنداعى 77,6 مىڭ جۇمىسسىز ازاماتتىڭ 33,9 مىڭى نەمەسە 43,7 پايىزىنىڭ ورتا كاسىپتىك ءبىلىمى بار. 12,5 مىڭ نەمەسە 16,1 پايىزى باستاۋىش جانە ورتا ءبىلىم العان.
