وسك حاتشىسى مۇحتار ەرماننىڭ ايتۋىنشا, سىرتقى ىستەر مينيسترلىگىنە اككرەديتتەۋگە ءۇش شەت مەملەكەت پەن ەكى حالىقارالىق ۇيىمنان 12 بايقاۋشى جىبەرىلگەن. ونىڭ ىشىندە كورەيا رەسپۋبليكاسىنان, قىرعىزستاننان جانە تايلاندتان – ءبىر ۇمىتكەردەن, تمد-دان باقىلاۋشىلار ميسسياسىنان – جەتى بايقاۋشىدان, دەموكراتيالىق ينستيتۋتتار جانە ادام قۇقىقتارى جونىندەگى بيۋرودان (ەقىۇ) ەكى بايقاۋشىدان تىركەلگەن.
سونداي-اق ول ەقىۇ/دياقب-نىڭ بۇرىن اككرەديتتەلگەن ەكى وكىلى بايقاۋعا قاتىسا المايتىنىن ايتتى. وسىعان بايلانىستى ميسسيانىڭ قۇرامىنا وزگەرىستەر ەنگىزۋ قاجەت.
20 قاڭتاردان بەرى ورتالىق سايلاۋ كوميسسياسى ءۇش شەت مەملەكەت پەن ەكى حالىقارالىق ۇيىمنان 62 بايقاۋشىنى تىركەدى.
بۇعان دەيىن ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىنا جالپىۇلتتىق سوتسيال-دەموكراتيالىق پارتياسىنىڭ پارتيالىق ءتىزىمىن تىركەگەن بولاتىن.
ەلىمىزدە تىركەلگەن جەتى ساياسي پارتيانىڭ بارلىعىنا سايلاۋعا قاتىسۋعا رۇقسات بەرىلدى. ءماجىلىس دەپۋتاتتىعىنا 283 كانديدات پارتيالىق ءتىزىم بويىنشا, 609-ى ماجوريتارلىق جۇيە بويىنشا ۇسىنىلدى. بارلىق دەڭگەيدەگى ءماسليحاتتار دەپۋتاتتىعىنا كانديداتتار اراسىندا 119 پارتيالىق ءتىزىم (1471 ادام), ماجوريتارلىق جۇيە بويىنشا 11844 كانديدات بار.
قازاقستاندا 19 ناۋرىزدا ءماجىلىس دەپۋتاتتارىنىڭ كەزەكتەن تىس سايلاۋى وتەدى. ءدال وسى كۇنگە ءماسليحات دەپۋتاتتارىن سايلاۋ بەلگىلەندى.
