«ماقسات - تاريح پانىنە دەگەن قىزىعۋشىلىقتى زامان وزگەرىستەرىنە ساي ناسيحاتتاۋ. تومەنگى سىنىپ وقۋشىلارى سۋرەت ارقىلى اقپاراتتى تەز قابىلدايدى جانە انيمە, مانگا جانرىنا قۇمار. مۇنى كىتاپحاناعا كوميكس سۇراپ كەلەتىن بالالاردىڭ كوپتىگىنەن بايقاپ, 11-سىنىپتىڭ وقۋشىلارىنا قازاقشا كوميكس جاساپ كورۋدى ۇسىندىم. ولار بىردەن كەلىستى. الدىمەن تاقىرىپ تاڭداپ, زەرتتەپ ىسكە كىرىسىپ كەتتى دە كوپ ۇزاماي مەكتەپ باسشىلىعىنىڭ قولداۋىمەن «قازاق حاندىعىنىڭ قۇرىلۋى» اتتى كوميكس دايىن بولدى», دەيدى تاريح ءپانىنىڭ مۇعالىمى اسەم تارىباەۆا.
العاشقى 10 دانا جۋرنال مەن كوميكستىڭ ەلەكتروندى نۇسقاسى مەكتەپ ىشىندە ۇلكەن سۇرانىسقا يە. بۇل ن.نۇرماقوۆ اتىنداعى مامانداندىرىلعان مەكتەپ-ليتسەي-ينتەرناتىندا كوميكس ۇيىرمەسىنىڭ اشىلۋىنا تۇرتكى بولدى. قازىر مۇندا 15 بالا جاڭا جانردى يەگەرىپ جاتىر. اشىلعانىنا 1 اي بولعان ۇيىرمە قاتىسۋشىلارى «تاريحي حيحيكايالار» سەرياسىنىڭ ەكىنشى شىعارىلىمىن ۇلت ۇستازى - احمەت بايتۇرسىن ۇلىنىڭ 150 جىلدىق مەرەيتويىنا ارناپ وتىر.
