ء«بىز ماگيسترالدىق جەلىلەردە, جەتكىزۋشى جانە ورامىشىلىك جەلىلەردە, ستانتسيانىڭ وزىندە قاتار جۇمىس ىستەۋ قاجەتتىگىن تۇسىنەمىز», دەپ اتاپ ءوتتى ايماق باسشىسى.
ونىڭ ايتۋىنشا, ءتورت جىلۋ ماگيسترالىن جوندەۋ بويىنشا جسق دايىندالىپ, 15 اقپاندا مەملەكەتتىك ساراپتامادان وتەدى. ستانتسيادا سەگىز قازاندىقتى جوندەۋ بويىنشا جسق دايىندالىپ جاتىر: ونىڭ بەسەۋى – سۋ جىلىتقىش, ۇشەۋى – ەنەرگەتيكالىق.
«5-6 اي دايىنداۋدى قاجەت ەتەتىن جابدىقتىڭ نەگىزگى تۇرلەرىنە «ەكىباستۇزجىلۋوەنەرگو» اكتسيونەرلەرى تاپسىرىس بەرىپ قويعان», دەدى وبلىس اكىمى.
اسايىن بايحانوۆتىڭ سوزىنشە, 350 شاقىرىمعا جۋىق جىلۋ جەلىلەرىن جوندەۋ جۇمىستارى بويىنشا جول كارتاسى بەكىتىلىپ, جۇمىس ۋچاسكەلەرىن ءبولۋ جونىندەگى مەموراندۋمعا قول قويىلعان.
كەڭەس سوڭىندا قر پرەمەر-ءمينيسترىنىڭ ءبىرىنشى ورىنباسارى رومان سكليار جاقىندا بولعان اپات كەزىندە 70 ءۇيدىڭ 12 مىڭ تۇرعىنى جىلۋسىز قالعانىن تاعى دا ەسكە سالىپ, قالا بيلىگىن ەكىباستۇز تۇرعىندارىن جىلۋمەن قامتاماسىز ەتۋ ماسەلەسىن دۇرىس شەشۋ جولىن قاراستىرۋدى تاپسىردى.
