يندۋستريا جانە ينفراقۇرىلىمدىق دامۋ ءمينيسترى مارات قاراباەۆ ي ۇجىرىمدامانىڭ جوباسىن تانىستىرا وتىرىپ, ونىڭ ورتا جانە جوعارعى دارەجەدە دايىندالاتىن ونىمدەردى شىعارۋعا باعدارلانعان تەحنولوگيالىق وزىق ونەركاسىپ قۇرۋعا باعىتتالعانىن اتاپ ءوتتى.
سالانى دامىتۋدىڭ جۇيەلى شارالارىنىڭ ىشىندە ول وندىرىستەردى شيكىزاتپەن قامتاماسىز ەتۋدى, جاڭا كەن ورىندارىن يگەرۋدى, ونەركاسىپتىك ينفراقۇرىلىمدى دامىتۋدى جانە ءىرى كاسىپورىنداردىڭ اينالاسىندا شوب بەلدەۋىن قۇرۋدى اتاپ ءوتتى.
تۇجىرىمداما جوباسى وڭدەۋشى ونەركاسىپ جوبالارىن 500 ملرد تەڭگەدەن استام سوماعا قارجىلاندىرۋدى كوزدەيدى.
قاراستىرىلىپ وتىرعان كەزەڭدە 147 مىڭ جۇمىس ورنىن قۇرۋعا مۇمكىندىك بەرەتىن جالپى قۇنى 33,1 ترلن تەڭگەگە 868 جاڭا جوبا ىسكە قوسىلادى دەپ بولجانىپ وتىر.
پرەمەر-مينيستر ءاليحان سمايىلوۆ تۇجىرىمداما جوباسى قازاقستاننىڭ ونەركاسىپ قۇرىلىمىن تۇبەگەيلى وزگەرتۋگە باعىتتالعانىن, وندا وڭدەۋشى سەكتور نەگىزگى ورىنبەك الاتىنىن اتاپ ءوتتى.
جالپى كەڭەسكە قاتىسۋشىلار قۇجاتتى ماقۇلدادى. ءاليحان سمايىلوۆ يندۋستريا جانە ينفراقۇرىلىمدىق دامۋ مينيسترلىگىنە قۇجاتتى مۇددەلى مەملەكەتتىك ورگاندارمەن كەلىسىپ, ۇكىمەتكە ەنگىزۋدى تاپسىردى.
