«ەلىمىزدە 50-70 جىل بۇرىن پايدالانۋعا بەرىلگەن 500-دەن استام مەكتەپ بار. ولاردى جاڭاسىنا اۋىستىرۋ كەرەك. سونداي-اق اپاتتى جانە ءۇش اۋىسىمدى مەكتەپتەر ماسەلەسى ءالى دە وزەكتى بولىپ وتىر. ەل بويىنشا 148 مەكتەپ ءوز وقۋشىلارىن ءۇش اۋىسىمدا وقىتىپ جاتىر. بۇل - بالا تۋدىڭ جوعارىلاۋىنا بايلانىستى تۋىنداعان ماسەلە. قازىرگى ۋاقىتتا وقۋشى ورىندارىنىڭ تاپشىلىعى 240 مىڭدى قۇرايدى. ەلىمىزدە جاڭا مەكتەپتەر بوي تۇزەمەسە, بۇل كورسەتكىش 1,2 ميلليونعا جەتۋى مۇمكىن. وتكەن جىلى 247 مەكتەپ سالىنىپ, 135 مىڭ بالا وقۋشى ورىندارىمەن قامتىلدى», دەپ ءتۇسىندىردى شولپان قارينوۆا.
ونىڭ ايتۋىنشا, سوڭعى 20 جىل ىشىندە قازاقستاندا 1 مىڭنان استام مەكتەپ ەسىگىن ايقارا اشتى.
«پرەزيدەنت قاسىم-جومارت توقاەۆ ءوزىنىڭ سايلاۋالدى باعدارلاماسىندا 1,5 ميلليوننان استام بالانى وقۋشى ورىندارىمەن قامتۋدى تاپسىردى. ونىڭ ىشىندە «جايلى مەكتەپ» جوباسى اياسىندا 842 مىڭ جاڭا ورىن اشىلدى», دەپ تولىقتىردى ۆيتسە-مينيستر.
