«تابيعات اپاتىنىڭ اۋقىمىن باعالاۋ جانە ءبىرىنشى كەزەكتە قالپىنا كەلتىرىلىپ, قايتا قۇرۋدى قاجەت ەتەتىن وبلىستاردى انىقتاۋ ءۇشىن زالال كولەمىن جەدەل باعالاۋ باستالدى», دەلىنگەن بانك مالىمدەمەسىندە.
قاراجات تۇركيانى قالپىنا كەلتىرۋ جۇمىستارىنا باعىتتالادى.
«دۇنيەجۇزىلىك بانك ادامداردىڭ جاپپاي ولىمىنە, جارالانۋىنا جانە تۇركيانىڭ وڭتۇستىك-شىعىسى مەن ونىڭ اينالاسىنا ايتارلىقتاي زالال كەلتىرگەن ءزىلزالا مەن ودان كەيىنگى جەراستى دۇمپۋلەرىنەن سوڭ قالپىنا كەلتىرۋ جۇمىستارىنا $1,78 ملرد بولەدى», دەدى دۇنيەجۇزىلىك بانك باسشىسى دەۆيس مالپاسس.
دۇنيەجۇزىلىك بانك تابيعات اپاتتارىن رەتتەۋدەگى حالىقارالىق تاجىريبەسىنە سۇيەنە وتىرىپ, ءبىرىنشى كەزەكتە قالپىنا كەلتىرىلۋى ءتيىس اۋماقتاردى جانە زالال شىعىنىن جەدەل باعالاۋعا كىرىستى.
