سول داڭقتى ۆەلوشاباندوز قازاقستان ۆەلوكومانداسى ساپىنداعى العاشقى جارىسىن 10 اقپاندا وتەتىن بىركۇندىك «ماسكات كلاسسيكا», 11-13 اقپان ارالىعىنا جوسپارلانعان «ومان تۋرىنان» باستاماق. اتالعان جارىستا مارك كاۆەنديشتەن بولەك, ازيا ويىندارىنىڭ ءۇش دۇركىن جەڭىمپازى, ءدال وسى «ومان تۋرىندا» 2018, 2019 جىلدارى قاتارىنان ەكى رەت توپ جارعان جەرلەسىمىز الەكسەي لۋتسەنكو, ەۆگەني فەدوروۆ, سونىمەن قاتار مانۋەلە بوارو (يتاليا), حارولد تەحادا (كولۋمبيا), مارتين لااس (ەستونيا), لەوناردو باسسو (يتاليا) ونەر كورسەتەدى.
2010 جىلدان بەرى ۆەلوسپورتشىلاردىڭ حالىقارالىق كۇنتىزبەسىنە ەنگەن «ومان تۋرى» التى كەزەڭگە جالعاسادى. ونىڭ العاشقى ەكى كەزەڭى جەكەلەي جارىستان, قالعان ءتورت كەزەڭى تاۋلى جانە سپرينتەرلىك كەزەڭدەردەن تۇرادى. جارىس جەڭىمپازى ەڭ سوڭعى تاۋلى كەزەڭدە انىقتالادى.
