فوتو: polisia.kz
8 اقپاندا جاقسى اۋدانىندا «ەكاتەرينبۋرگ-الماتى» تاسجولىنىڭ 922 شاقىرىمىندا «Man» جۇك كولىگى مەن «Daewoo Matiz» كولىكتەرى سوقتىعىسقان.
«الدىن الا مالىمەت بويىنشا, Daewoo Matiz كولىگىنىڭ جۇرگىزۋشىسى, قىرعىزستاننىڭ 64 جاستاعى ازاماتى باسىپ وزۋ كەزىندە قارسى جولاققا شىعىپ كەتىپ, قاراعاندىنىڭ 55 جاستاعى تۇرعىنى باسقارعان اۋىر جۇك كولىگىمەن سوقتىعىسقان», دەدى پوليتسيا.
جەڭىل كولىكتىڭ جولاۋشىسى 62 جاستاعى قىرعىزستان ازاماتشاسى وقيعا ورنىندا كوز جۇمدى.
Daewoo Matiz كولىگىنىڭ جۇرگىزۋشىسى جاقسى اۋداندىق اۋرۋحاناسىنا جەتكىزىلدى. ونىڭ كامەلەتكە تولماعان جولاۋشىلارى 2005 جانە 2019 جىلعى بالالار زارداپ شەككەن جوق.
قر قىلمىستىق كودەكسىنىڭ 345-بابى 3-بولىگىمەن جول ءجۇرۋ ەرەجەسىن بۇزۋ, ابايسىزدا ادام ولىمىنە اكەپ سوعۋ بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
قازىرگى ۋاقىتتا كولىكتەر تۇراققا قويىلدى.
