قازاقستاندا فريلانسەرلەر سانى ارتتى

ەردو ساراپشىلارى 2021 جىلى قازاقستاندا 1 ملن-نان استام ادام فريلانسەر بولىپ جۇمىس ىستەگەنىن انىقتادى. فريلانسەرلەردىڭ 78%-ى مۇنداي جۇمىستى جالدامالى جۇمىسپەن بىرىكتىرگەن.

قازاقستاندا فريلانسەرلەردىڭ ورتاشا سانى 255،8 مىڭ ادامعا جەتتى. 2021 جىلى فريلانسەرلەردىڭ 48% – ى تەك ءبىر جۇمىس بەرۋشىدە، 18% – ى ەكى، 10% - ى ۇشەۋىندە جۇمىس ىستەدى. فريلانسەرلەردىڭ نەگىزگى بولىگى ءبىلىم بەرۋ، ساۋدا سالالارىنا (15% - دان)، سونداي-اق مەملەكەتتىك باسقارۋ جانە الەۋمەتتىك قامسىزداندىرۋ سەكتورىنا (13%) تيەسىلى.

«ورتاشا تابىس 124 مىڭ تەڭگەنى، مەديانالىق تابىس 65 مىڭ تەڭگەنى قۇرادى. بۇل شارت بويىنشا سىياقى مولشەرى از ادامداردىڭ كوپ ەكەندىگىن كورسەتەدى. بۇل رەتتە ەڭ جوعارى تابىس كاسىپتىك جانە عىلىمي قىزمەت سالالارىنا، تاۋ-كەن ءوندىرۋ ونەركاسىبىنە، اقپارات پەن بايلانىسقا ءتان. وڭىرلەرگە قاتىستى جيىنتىعىندا الماتى، استانا جانە شىمكەنت قالالارىنا بارلىق فريلانسەرلەردىڭ شامامەن 41%-ى كەلەدى، ونىڭ ىشىندە تەك الماتىدا - 22%»، دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاماسىندا.