مانشۇك شاي ىشكەن ساماۋرىن

اسكەري داڭق مۋزەيى اتا-بابالارىمىزدىڭ ەرلىك جولىن جاس ۇرپاققا ناسيحاتتاۋدا ەرەكشە كوزگە ءتۇسىپ ءجۇر. پوتانين اتىنداعى تا­­ريحي-ولكەتانۋ مۋزەيىنىڭ قىز­­­­مەتكەرى جە­ڭىسبەك قادىر­ ۇلىنىڭ ايتۋىنشا، جادىگەر 2014 جىلى تاپسىرىلعان. ونى «ماي­دان جولى» ىزدەس­تىرۋ جا­ساعىنىڭ مۇشەسى، قو­عام بەل­سەن­دىسى جۇمابەك قام­زين نە­ۆەل­دەن ارنايى الىپ كەلگەن.

– سول جىلدارى رەسەي­­دىڭ پسكوۆ وبلىسى نە­ۆەل قالا­سىنا ەكسپەديتسيا ۇي­ىم­­داستىرىلدى. جا­ساق مۇ­شەلەرى قازاق جاۋىن­گەر­لە­رىنىڭ ەرلىك جاساعان وڭىر­لە­رىن ارالاپ، بەلگىسىز جا­ۋىن­گەرلەردىڭ جەرلەنگەن زيراتتارىن ىزدەستىردى. رە­سەيلىك ىزدەستىرۋشىلەر مان­شۇك مامەتوۆا پاي­دالانعان ساماۋرىننىڭ تابىلعانى تۋرالى ايتقان ەكەن. سودان جۇمابەك اعامىز ونى اتتاي قالاپ سۇراپ الادى دا ءبىز­دىڭ مۋزەيگە اكەلىپ تاپسىردى. بىلتىر قازاقتىڭ با­تىر قىزىنىڭ تۋعانىنا 100 جىل تولۋىنا وراي مۋزەي­دە مەكتەپ وقۋشىلارى مەن ستۋ­دەنتتەردىڭ، قالا قوناق­تا­رىنىڭ قاتىسۋمەن ەسكە الۋ كەشتەرى ءوتتى. وندا وسى جا­­دىگەر جونىندە كەڭىنەن اڭ­گى­مەلەنىپ، قاھارماننىڭ ومى­­­رىنەن دەرەكتەر ايتىلدى. ساماۋرىنعا قاتىستى تىڭ مالىمەتتەردى جينادىق. داڭق­­­تى پۋلەمەتشى قىز پاي­دا­لانعان جادىگەر بۇگىندە مۋ­زەي­دەن ءوزىنىڭ لايىقتى ورنىن تاپتى، – دەيدى ول.

مانشۇك مامەتوۆا 1943 جىلى نەۆەل تۇ­بىندە ەر­­لىكپەن قا­زا تاپقانى تا­ريح­­تان بەل­گىلى. ەكىنشى دۇ­نيە­جۇزىلىك سو­عىس كەزىندە 95 ايەل كەڭەس وداعىنىڭ باتى­رى اتاعىن العان. ال ونىڭ ەكەۋى قازاق قىزى ەدى. ۇرپاق با­قىتى، ۇلت بولاشاعى ءۇشىن جان بەرگەن اپا­لارىمىزدىڭ ەرلىگى وسىنداي جادىگەرلەر ارقىلى ەل ەسىندە جاڭعىرا بەرمەك.

پاۆلودار