بيىل 37 مارتە جالاۋى جەلبىرەگەن حالىقارالىق يشتۆان بوچكاي اتىنداعى تۋرنيردە قازاقستان قۇراماسىنىڭ 13 بىلعارى قولعاپ شەبەرى باس جۇلدە ءۇشىن سىنعا ءتۇسىپ جاتىر. اتاپ ايتقاندا, ماجارستان شارشى الاڭىندا 2021 جىلعى الەم چەمپيونى تەمىرتاس ءجۇسىپوۆ (48 كگ), سەربياداعى الەمدىك دودانىڭ كۇمىس جۇلدەگەرى سەرىك تەمىرجانوۆ (57 كگ), 2021 جىلعى قازاقستان چەمپيونى, اسكەريلەر اراسىنداعى الەم بىرىنشىلىگىنىڭ كۇمىس جۇلدەگەرى دامير ابدىقادىر (51 كگ), جاستار اراسىنداعى ازيا بىرىنشىلىگىنىڭ جەڭىمپازدارى, حالىقارالىق ءتۋرنيردىڭ جۇلدەگەرلەرى اعايىندى – ءساماتالى (60) مەن ءساناتالى تولتاەۆتار (63,5 كگ), ازيا بىرىنشىلىگىنىڭ قولا جۇلدەگەرى نۇربەك (80 كگ) پەن ازيا چەمپيونى ايبەك ورالبايلار (92 كگ) ەل نامىسىن قورعاپ جاتىر.
سونداي-اق بىرنەشە ەلىشىلىك جانە حالىقارالىق جارىستاردىڭ جەڭىمپاز-جۇلدەگەرلەرى داۋلەت مولداشەۆ (54 كگ), دۋلات بەكباۋوۆ (67 كگ), ەرماحان جاقپەكوۆ (71 كگ), اياتۋللا تاكەجانوۆ (75), شايمۇرات قۇسايىنوۆ (86 كگ) جانە دامير تويباي (+92 كگ) ماجارستان شارشى الاڭىندا باق سىنايدى.
