نەگىزگى دوداعا ىرىكتەۋ سايىستارى ارقىلى قوسىلعان يۋ.پۋتينتسەۆا ءبىرىنشى اينالىمدا الەمنىڭ 37-راكەتكاسى, 2019 جىلعى اقش اشىق بىرىنشىلىگىنىڭ («US Open») جەڭىمپازى كانادالىق بيانكا اندرەەسكۋمەن شەبەرلىك بايقاستى. 1 ساعات, 41 مينۋتقا جالعاسقان ماتچتا جەرلەسىمىز قارسىلاسىن ەكى سەتتە – 7:6 (7:2), 6:2 ەسەبىمەن تىزە بۇكتىرىپ, جارىستىڭ ەكىنشى كەزەڭىنە جولداما الدى. ەكى تەننيسشى بۇعان دەيىن كورتتا ءبىر مارتە كەزدەسىپ, ول كەزدە دە جەرلەسىمىزدىڭ مەرەيى ۇستەم بولعان. 2017 جىلى بيللي دجين كينگ كۋبوگى اياسىنداعى قازاقستان – كانادا ماتچىندا پۋتينتسەۆا قارسىلاسىنان ءۇش سەتتە – 6:4, 4:6, 6:4 ەسەبىمەن باسىم تۇسكەن-ءدى.
ەندى پۋتينتسەۆا ەكىنشى اينالىمدا الەمدىك رەيتينگتە 14-ورىندا تۇرعان برازيليالىق بەاتريس حادداد مايامەن كەزدەسەدى. بۇل تەننيسشىنىڭ اتى-ءجونى قازاقستاننىڭ تەننيس جانكۇيەرلەرىنە جاقسى تانىس. سەبەبى بەاتريس بىلتىر جۇپتىق سىنداعى ەلىمىزدىڭ ءبىرىنشى راكەتكاسى اننا دانيلينامەن جۇپ قۇراپ, ءبىرتالاي دودادا ۇزدىكتەر قاتارىنان كورىنگەن بولاتىن.
