دەۆيس كۋبوگىنىڭ فينالىندا كىمدەر وينايدى؟

3-5 اقپان ارالىعىندا وت­كەن ىرىكتەۋ ماتچتارىنىڭ قو­رىتىندىسى بويىنشا، 2023 جىل­عى دەۆيس كۋبوگىنىڭ فينالىنا 12 قۇراما جولداما الدى. بۇل – ۇلىبريتانيا، نيدەرلاند، سەربيا، اقش، فينليانديا، فران­تسيا، حورۆاتيا، چەحيا، چي­لي، شۆەيتساريا، شۆەتسيا جانە كورەيا قۇرامالارى. اتالعان 12 كۇراما كۇزدە بىلتىرعى ءتۋر­نير­دىڭ جەڭىمپازى اتانعان كا­نادا، فيناليست اۋستراليا جانە ۇيىمداستىرۋشىلاردان ارنايى شاقىرتۋ العان يتاليا، يسپانيا تەننيسشىلەرىمەن باس جۇلدەنى ساراپقا سالادى.

ىرىكتەۋ ويىندارىنداعى ەڭ تار­تىستى ماتچ كورەيا مەن بەل­گيا اراسىندا وربىگەنىن ايتا كەت­كەن ءجون. العاشقى جارىس كۇ­نىنىڭ ناتيجەسى بويىنشا 2:0 ەسەبىمەن العا شىققان ەۋروپا قۇرلىعىنىڭ وكىلدەرى ەكىنشى كۇنگى ماتچتاردا قاتارىنان ءۇش ويىندا قارسىلاستارىنا ەسە جى­بەرىپ، 2:3 ەسەبىمەن جەڭىلىپ قالدى. ءبىرىنشى جارىس كۇنىندە بەلگيا تەننيسشىلەرىنەن الەمدىك رەيتينگتە 115-ساتىدا تۇرعان زيزۋ بەرگسا مەن 52-ورىنداعى ساندەر گيللە كورەيالىق كۆون سۋن ۆۋ (61) جانە حون سون ءچاندى (237) جەڭسە، ەكىنشى جارىس كۇنىندە ءوز جانكۇيەرلەرىنىڭ الدىندا نا­مىسقا تىرىسقان كورەيالىق سپورت­شىلار قاتارىنان ءۇش ماتچ­تا قارسىلاستارىن تىزە بۇكتىرىپ، تاما­شا كامبەك جاسادى – 3:2. جۇپ­تىق سىندا مين-كيۋ سونگ مەن نام دجي سۋن يوران ۆليگەن مەن ساندەرا جيللە جۇبىن ەكى سەتتە 7:6، 7:6 ەسەبىمەن جەڭسە، جەكە­لەي باسە­كەدە كۆون سۋن ۆۋ ءۇش سەتتە (3:6، 6:1، 6:1) داۆيد گوف­فەندى، حون سون چحان ەكى سەتتە (6:3، 7:6) زيزۋ بەرگسانى ۇتىپ، في­نالدىق سايىسقا جولداما الدى.

وزگە قۇرامالاردىڭ ناتيجەلە­رىنە توقتالار بولساق، حورۆاتيا – اۋستريا – 3:1، نيدەرلاند – سلو­­ۆاكيا – 4:0، فينليانديا – ار­گەنتينا – 3:1، چەحيا – پور­تۋ­گاليا – 3:1، فرانتسيا – ما­جار­ستان – 3:2، اقش – وزبەكستان – 4:0، شۆەيتساريا – گەرمانيا – 3:2، سەر­بيا – نورۆەگيا – 4:0، شۆەتسيا – بوس­نيا جانە گەرتسوگوۆينا – 3:1، ۇلىبريتانيا – كولۋمبيا – 3:1 جانە چيلي – قازاقستان – 3:1.

قاتارىنان ءۇش مارتە دەۆيس كۋبوگىنىڭ فينالدىق كەزەڭىنە جول­­­داما العان قازاقستان قۇرا­ما­­سىنىڭ تەننيسشىلەرى بيىل سول جە­تىستىگىن قايتالاي الماي، جان­­­­كۇيەر­لەرىن جەرگە قاراتتى. ەن­دى يۋري ششۋكين باستاعان جەر­لەستەرىمىز جوعارى توپتاعى ور­نىن ساقتاپ قالۋ ءۇشىن كۇزدە ءبى­رىن­شى دي­ۆيزيوندا جەڭىمپاز اتان­عان قۇ­­رامانىڭ بىرىمەن شە­بەرلىك باي­قاسادى.