شاكەن ايمانوۆتىڭ ايگىلى بوركى

«الدار كوسە» ءفيلمى – شاكەن ايما­نوۆتىڭ ءوزى باستى كەيىپكەردىڭ ءرولىن سومداعان ءىرى شىعارمالارىنىڭ ءبىرى. سول فيلمدە الداردىڭ باسى­نان تاستامايتىن بوركى ەستەرىڭىزدە بولار. قازاقتىڭ ماڭدايىنا بىتكەن جا­رىق جۇلدىزىنىڭ تەرى سىڭگەن قۇندى جادىگەر ويدا جوقتا مۋزەي قورىنا تاپسى­رىلعان ەكەن. بۇل بورىكتىڭ مۋزەي قىز­مەتكەرلەرىنىڭ قولىنا تۇسكەنگە دەيىنگى تاريحى دا قىزىق. كينورەجيسسەر ءوزىنىڭ تۋعان جەرى – باياناۋىلدا 1969 جىلى «نايزاتاس باۋرايىندا» ءفيلمىنىڭ نە­گىزگى سيۋجەتتەرىن تۇسىرگەنى ءمالىم. كەيىن ال­ماتىدا ءفيلمنىڭ ءتۇسىرىلىمى اياق­تا­لادى. بىراق ءتۇسىرۋ توبىنا قوسىمشا كورى­نىس قاجەت بولىپ، ولار باياناۋىلعا قايتا جول تارتادى. ءسويتىپ، بارلىق شارۋاسىن اياقتاپ، كەرى قايتىپ بارا جاتقاندا پاۆلودار قالاسىنا ايالداسا كەرەك. مۇندا نەمەرە اعاسى ورال مۇزاپاروۆتىڭ ۇيىنە قوناق بولعان. سودان رەجيسسەر كەتەرىندە «بىرنەشە فيلم­گە تۇسكەن ايگىلى بورىگىمدى تاستاپ كەتەيىن، مەنەن كادە بولسىن» دەپ ءۇي يەسىنە وسىنى ۇستاتقان ەكەن. تۋىستارى بورىكتى كوزىنىڭ قاراشىعىنداي ساقتاپ، كوپ جىل بويى ساقتاپ كەلىپتى. وسىلايشا، ول بۇگىندە حالىققا ورتاق ەستەلىككە اينالىپ، كورگەن جاننىڭ ەسىنە سوناۋ 1965 جىلى جارىق كورگەن «الدار كوسە» ءفيلمىن تۇسىرەدى.

مۋزەي ادىسكەرى ءاليا ساماتوۆانىڭ ايتۋىنشا، نەگىزى بۇل بورىك كينونى ءتۇسىرۋ بارىسىندا شاكەن اتامىزدىڭ باسىنا كىشى بولىپ شىققان ەكەن. رەجيسسەر باس كيىمنىڭ ارتقى جاعىنا تىلىك جاساپ كەڭەيتىپتى.

قورداعى قۇندى جادىگەرلەر قاتارىندا شاكەن ايمانوۆتىڭ 1970 جىلى ماس­كەۋدە اپاتقا ۇشىراپ، قازا بولعان ساتىندەگى بىل­عارى تونى دا ساقتالىپ تۇر.

پاۆلودار