الىبەك قۋانتىروۆ حۆق ساراپشىلارىنىڭ ەكى اپتالىق ميسسيا بارىسىندا ەلدىڭ بيۋدجەت-سالىق سالاسىنىڭ اشىقتىعىن باعالاۋ ءۇشىن اقپارات جيناۋ جانە تالداۋ بويىنشا اۋقىمدى جۇمىس جۇرگىزگەنىن اتاپ ءوتتى.
حالىقارالىق ساراپشىلاردىڭ الدىن الا باعالاۋىنا سايكەس, قازاقستان بيۋدجەتتى جوسپارلاۋ مەن ورىنداۋدى جۇزەگە اسىرۋ ءۇشىن جەتكىلىكتى نورماتيۆتىك نەگىزبەن قامتاماسىز ەتىلگەن. اتاپ ايتقاندا, بيۋدجەت كودەكسى ناقتى رەتتەۋشى قۇجات بولىپ سانالادى.
«ماكروەكونوميكالىق بولجامدار جەتكىلىكتى تۇردە نەگىزدەلگەن جانە ۋاقتىلى جاسالعان», دەدى مينيستر.
سونداي-اق وتىرىس بارىسىندا تاراپتار قارجىلىق ەسەپتەردە كەيبىر دەرەكتەر تولىق قامتىلماعانىنا نازار اۋداردى. بۇدان بولەك, حۆق بيۋدجەت ەرەجەلەرىن جاقسارتۋدى ۇسىندى.
كەزدەسۋ سوڭىندا ساحە دە كلەرك قر ۇەم-گە, سونداي-اق باسقا دا مەملەكەتتىك ورگاندار مەن ۇيىمدارعا العىسىن ءبىلدىردى.
ايتا كەتسەك, ميسسيا قر ۇلتتىق ەكونوميكا مينيسترلىگىنىڭ باستاماسىمەن حالىقارالىق ۆاليۋتا قورىنىڭ تەحنيكالىق كومەگى شەڭبەرىندە جۇرگىزىلدى.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
