پاۆلودار وبلىسى پوليتسيا دەپارتامەنتىنىڭ مالىمەتىنشە, كەشە قاراعاندى وبلىسىنىڭ شەكاراسىنداعى مارعۇلان اۋىلىنىڭ ماڭىندا Mercedes كولىگى مەن Lexus كولىگى سوقتىعىسقان. بەلگىلى بولعانداي, Mercedes كولىگىنىڭ 43 جاستاعى جۇرگىزۋشىسى باسىپ وزۋ كەزىندە قارسى جولاققا شىعىپ كەتكەن. سالدارىنان Mercedes اۆتوكولىگىنىڭ جۇرگىزۋشىسى مەن 75 جاستاعى جولاۋشىسى العان جاراقاتتارىنان وقيعا ورنىندا قايتىس بولدى.
سونداي-اق Mercedes كولىگىنىڭ وزگە ەكى جولاۋشىسى - 48 جاستاعى ايەل مەن ونىڭ 7 جاستاعى قىزى, Lexus اۆتوكولىگىن تىزگىندەگەن 36 جاستاعى قاراعاندىلىق تۇرعىن ءتۇرلى جاراقاتتارمەن ەكىباستۇز قالاسىنىڭ اۋرۋحاناسىنا جەتكىزىلگەن.
اتالعان دەرەككە قاتىستى تەرگەۋ جۇمىستارى ءجۇرىپ جاتىر. ساراپتاما تاعايىندالدى. اۆتوكولىكتەر ايىپ تۇراعىنا قويىلدى.
