ءىس-شارانى «قازاق» گازەتىنىڭ 110 جىلدىعىنا وراي قر عجبم ءتىل ساياساتى كوميتەتى ش.شاياحمەتوۆ اتىنداعى ء«تىل-قازىنا» ۇلتتىق-عىلىمي پراكتيكالىق ورتالىعى ۇيىمداستىردى.
شارانىڭ شىمىلدىعىن ورتالىقتىڭ باس ديرەكتورى, بەلگىلى عالىم ە.تىلەشوۆ اشتى. ول ءوز سوزىندە, ۇلى عالىمنىڭ كەيىنگى ۇرپاعىنا قالدىرعان اسىل مۇراسى – بارشا حالقىمىزدىڭ باعا جەتپەس قۇندى بايلىعى دەپ اتاپ كورسەتتى.
«احمەت بايتۇرسىن ۇلى «قازاق» گازەتىنىڭ باستاۋىندا تۇرعان تۇلعا رەتىندە وتاندىق ءباسپاسوزدىڭ ودان كەيىنگى دامۋىنا كەڭ ءورىس اشىپ بەردى. ۇلت ۇستازىنىڭ ونەگەلى ءومىر جولى – وتانعا ادال دا قالتقىسىز قىزمەت جاساۋدىڭ وشپەس ۇلگىسى. الاش ارىسىنىڭ ەسىمىن ماڭگى ەستە ساقتاپ, ونىڭ جاسامپاز ءىسىن جالعاستىرۋ – ءبىزدىڭ بورىشىمىز», دەدى ە.تىلەشوۆ.
ءىس-شارا بارىسىندا «ۇلت ۇستازى – احمەت بايتۇرسىن ۇلى» اتتى كىتاپ كورمەسى ۇيىمداستىرىلدى.
كوپشىلىك كوزايىمىنا اينالعان جاۋھار جادىگەرلەردىڭ تۇساۋكەسەر راسىمىنە كورنەكتى مەملەكەت جانە قوعام قايراتكەرلەرى, وتاندىق جانە شەتەلدىك عىلىمي ۇيىمدار مەن زيالى قاۋىم وكىلدەرى قاتىستى.
