«تەرگەۋ ناتيجەسىندە 2021 جىلى تاراز قالاسىنىڭ جەر كوميسسياسىنىڭ شەشىمىمەن تاراز قالاسىنىڭ تۇرعىنىنا شارۋا قوجالىعىن جۇرگىزۋگە ارنالعان جەر ۋچاسكەسىن جالپى اۋدانى 3,56 گا بولاتىن عيماراتتار مەن قۇرىلىستار سالۋعا ارنالعان باسقا 2 جەر ۋچاسكەسىنە وتەۋسىز اۋىستىرۋ جۇرگىزىلگەنى انىقتالدى. جەر ۋچاسكەلەرىن نەگىزسىز اۋىستىرۋ ناتيجەسىندە مەملەكەتكە 159 ملن تەڭگە كولەمىندە زالال كەلتىرىلدى», دەپ جازىلعان حابارلامادا.
تەرگەۋ بارىسىندا تاراز قالاسى جەر قاتىناستارى ءبولىمىنىڭ بۇرىنعى باسشىسى جانە اتالعان ءبولىمنىڭ بۇرىنعى سەكتور مەڭگەرۋشىسى ۇستالىپ, تاراز قالاسى سوتىنىڭ سانكتسياسىمەن قاماۋعا الىنعان.
تەرگەۋ جۇمىستارى جالعاسىپ جاتىر.
سونىمەن قاتار سىبايلاس جەمقورلىققا قارسى قىزمەت پەن وبلىس پروكۋرورى جەر ۋچاسكەلەرىن سوت تارتىبىمەن يەلىكتەن شىعارۋ تۋرالى شارتتى بۇزۋ تۋرالى ماسەلەگە باستاماشىلىق جاسادى.
ماسەلەن, 2023 جىلدىڭ 6 قاڭتارىندا جامبىل وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن جەر ۋچاسكەلەرىن يەلىكتەن شىعارۋ تۋرالى شارت جارامسىز دەپ تانىلىپ, جەر ۋچاسكەلەرى مەملەكەتتىك مەنشىككە قايتارىلدى.
ازاماتتاردىڭ الەۋمەتتىك ءال-اۋقاتىن ودان ءارى قولداۋ ماقساتىندا وبلىس اكىمدىگىمەن مەكتەپ پەن كوپپاتەرلى تۇرعىن ءۇي قۇرىلىسىنا قايتارىلعان جەر ۋچاسكەسىنىڭ ەگجەي-تەگجەيلى جوسپارلانۋىن تۇزەتۋ تۋرالى كەلىسىم جاسالدى.
