ماڭعىستاۋ وبلىسى اكىمىنىڭ ەكى ورىنباسارى تاعايىندالدى

قانات قۇلجانوۆ قازاق قۇقىقتانۋ جانە حالىقارالىق قاتىناستار ينستيتۋتىن «قۇقىقتانۋ» ماماندىعى بويىنشا بىتىرگەن. ەڭبەك جولىن 1996 جىلى «وزەنمۇنايگاز» اق تەحنولوگيالىق كولىك باسقارماسىنىڭ سلەسارى قىزمەتىنەن باستاعان. ۇزاق جىلدار پروكۋراتۋرا سالاسىندا ءتۇرلى قىزمەتتەردى اتقارعان.

ال، رۋسلان بەكتەمىر ق.جۇبانوۆا اتىنداعى اقتوبە مەملەكەتتىك ۋنيۆەرسيتەتىن، بق ينجەنەرلىك-گۋمانيتارلىق ۋنيۆەرسيتەتىن، رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن. «قارجى»، «مۇناي-گاز ءىسى» ماماندىقتارى بويىنشا باكالاۆريات بىتىرگەن، مەملەكەتتىك جانە مۋنيتسيپالدىق باسقارۋ ماگيسترى.

«مەملەكەتتىك اۋديتور» جانە «جوعارى ساناتتى مەملەكەتتىك اۋديتور» سەرتيفيكاتتارىنىڭ يەسى. رۋسلان بەكتەمىردىڭ مەملەكەتتىك قىزمەتتە جانە جەكە سەكتوردا 24 جىلدىق ەڭبەك ءوتىلى بار. 2021 جىلدىڭ مامىر ايىنان باستاپ قازىرگى ۋاقىتقا دەيىن «ماڭعىستاۋ اتوم-ەنەرگەتيكالىق كومبيناتى» جشس باس ديرەكتورىنىڭ ورىنباسارى بولىپ ەڭبەك ەتتى.

نۇرلان نوعاەۆ جاڭا ورىنباسارلارىنا ءوڭىردىڭ الەۋمەتتىك-ەكونوميكالىق دامۋىنا قاتىستى بىرقاتار ناقتى تاپسىرمالار بەردى.