ەكىباستۇزدا العاشقى كولىكتەر زاڭداستىرىلدى

«1 اقپاننان بەرى ونلاين-وتىنىشپەن پۋنكتكە 16 ازامات جۇگىندى، ونىڭ ىشىندە رەسەي فەدەراتسياسىندا تىركەلگەن 2 اۆتوكولىكتىڭ يەلەرى كولىكتەرىن زاڭداستىرىپ، نومىرلەرىن الدى. پورتالعا ەكىباستۇز ءوڭىرىنىڭ بارلىعى 247 تۇرعىنى جۇگىنگەن. ونلاين-وتىنىمدەر بويىنشا كريمينولوگتار زاڭداستىرۋعا ءوتىنىش بىلدىرگەن يەلەرىنىڭ 10 كولىگىن تەكسەردى»، دەدى ەكىباستۇز قالالىق پد باستىعىنىڭ ءبىرىنشى ورىنباسارى تولەگەن قۇدايبەرگەنوۆ.

بۇعان دەيىن ازاماتتارعا ىڭعايلى بولۋ ءۇشىن قالالىق حالىققا قىزمەت كورسەتۋ ورتالىعىندا قوسىمشا زاڭداستىرۋ پۋنكتى اشىلعان ەدى. زاڭداستىرۋ دەرەكتەرىن تەكسەرۋگە ءوتىنىشتى e-gov.kz ەلەكتروندى ۇكىمەت پورتالى نەمەسە ەكىنشى دەڭگەيلى بانكتەردىڭ وتىنىشتەرى ارقىلى جىبەرۋگە بولادى.

«دەربەس كومپيۋتەرگە قولى جەتپەگەن كولىك يەلەرى ەكىباستۇز قالاسىنىڭ حالىققا قىزمەت كورسەتۋ ورتالىعىنىڭ وزىنە-ءوزى قىزمەت كورسەتۋ سەكتورىنا جۇگىنە الادى. ءوتىنىشتى قازاقستان رەسپۋبليكاسى ىشكى ىستەر مينيسترلىگى قارايدى. ناتيجەسى ارنايى بازاعا تىركەلىپ، كولىك يەسىنىڭ تەلەفونىنا 1414 نومىرىنەن SMS جىبەرىلەدى. شەشىم حابارلامادا جازىلادى»، دەپ تولىقتىردى پوليتسيا دەپارتامەنتىنەن.

جۇرگىزۋشىدە جەكە كۋالىك، كولىك قۇرالىنىڭ تولقۇجاتى نەمەسە تىركەۋ كۋالىگى، كولىك قۇرالىنا مەنشىك قۇقىعىن راستايتىن قۇجات بولۋى كەرەك. وتىنىشتە كولىكتىڭ تىركەۋ دەرەكتەرىن دۇرىس تولتىرۋ قاجەت دەيدى ءتارتىپ ساقشىلارى.