كاسىپقوي بوكستىڭ ورتا سالماعىندا ونەر كورسەتەتىن دومينيكالىق كارلوس ادامەس (22-1، 17 كو) WBO تۇجىرىمى بويىنشا الەم چەمپيونى جانىبەك ءالىمحان ۇلىن (13-0، 18 كو) الەۋمەتتىك جەلى ارقىلى جەكپە-جەككە شاقىردى.
دومينيكا رەسپۋبليكاسىنىڭ كومەناندور قالاسىندا دۇنيەگە كەلگەن 28 جاستاعى كارلوس ادامەس 2015 جىلدان بەرى كاسىپقوي بوكستا ونەر كورسەتىپ كەلەدى. ول بۇگىنگە دەيىن شارشى الاڭدا 23 كەزدەسۋ وتكىزىپ، سونىڭ 22 ايقاسىندا قارسىلاسىنان باسىم تۇسكەن. تەك ءبىر ايقاسىندا عانا جەڭىلىستىڭ كەرمەك ءدامىن تاتقان. بۇگىندە ول ورتا سالماقتاعى WBC نۇسقاسى بويىنشا ۋاقىتشا الەم چەمپيونى سانالادى. سونداي-اق ادامەس اۋەسقوي بوكستا دا ءبىرتالاي تابىسقا قول جەتكىزىپ ۇلگەرگەن. اتاپ ايتقاندا، 2012 جىلعى جاستار اراسىنداعى پانامەريكا ويىندارىنىڭ جەڭىمپازى، 2013 جىلعى ەرەسەكتەر اراسىنداعى باسەكەنىڭ قولا جۇلدەگەرى اتانعان.
جۋىردا ول ءوزىنىڭ الەۋمەتتىك جەلىدەگى پاراقشاسىندا الەم چەمپيونى اتاعى ءۇشىن جانىبەكپەن جەكپە-جەككە شىعۋعا دايىن ەكەنىن ايتىپ، وتانداسىمىزدى شارشى الاڭعا شاقىرعان ەدى. كۇنى كەشە جەرلەسىمىز ونىمەن جۇدىرىقتاسۋعا دايىن ەكەنىن مالىمدەدى.
ج.ءالىمحان ۇلى ەڭ كەيىنگى كەزدەسۋىن بىلتىر قاراشا ايىندا بريتانيالىق دەنزەل بەنتليمەن (17-2-1، 14 كو) وتكىزىپ، ۇپاي سانىمەن جەڭىسكە جەتكەن بولاتىن.
قازاقستاندىق اسكەري قىزمەتشى سۋپەر گران-پري جەڭىپ الدى
سپورت • بۇگىن، 16:54
بۇگىن ەلوردادا قازاقستان - دانيا ماتچى وتەدى
فۋتبول • بۇگىن، 16:27
تۇركىستاندا 11 جاستاعى قىز جوعالىپ كەتتى
ايماقتار • بۇگىن، 15:31
بەنزين مەن ديزەلدىڭ كوتەرمە ساۋداسىنا شەكتى باعا بەلگىلەنۋى مۇمكىن
قازاقستان • بۇگىن، 15:14
جانسايا ابدىمالىك ءبيبىسارا اساۋباەۆانىڭ سىنىنا جاۋاپ بەردى
سپورت • بۇگىن، 14:07
باتۋميدە ناۋرىز مەرەكەسى تويلاندى
الەم • بۇگىن، 13:47
ۇقساس جاڭالىقتار
