قازاقستاندا رادياتسيالىق موديفيكاتسيالانعان كابەلدەر شىعارىلادى

عالىمدار بۇل ءونىمدى شىعارۋدىڭ جاڭا تەحنولوگياسىن ازىرلەپ، قولدانۋ قاسيەتتەرىن جاقسارتتى. ونىڭ باستى ارتىقشىلىعى - جوعارى تەمپەراتۋراعا توزىمدىلىك.

ەۇۋ عالىمدارى كابەلدىك-وتكىزگىش ونىمدەردىڭ جاڭا تۇرلەرىن جاساۋ تەحنولوگياسىن ويلاپ تاپتى. رادياتسيالىق موديفيكاتسيالانعان وقشاۋلاعىش قاباتى بار مۇناي-سۋاستى جانە فوتوۆولتايكالىق كابەل پايدالى قازبالاردى جانە بالامالى ەنەرگيا كوزدەرىن وندىرۋگە ارنالعان. ەۇۋ عالىمدارى شەتەلدىك ارىپتەستەرىمەن بىرلەسە ينەرتتى ورتادا جوسپارلانعان وڭدەۋ تەحنولوگياسىنا وزگەرىستەر ەنگىزىپ، كابەلدىك ءونىمنىڭ پايدالانۋ قاسيەتتەرىن جاقسارتتى. بۇل ءوندىرىس ءادىسى ءبىزدىڭ ەلدە قولدانىلمايدى.

«كابەلدىك-وتكىزگىش ونىمدەرىن جاسايتىن جەرگىلىكتى وندىرۋشىلەر تەك وقشاۋلاعىش قاباتتى پەروكسيدتى بىرىكتىرۋ ءادىسىن قولدانادى. ءبىز «قازەلەكتروماش» جشس-مەن بىرلەسىپ، قازاقستاندا ءبىرىنشى بولىپ رادياتسيالىق-موديفيكاتسيالانعان وقشاۋلاۋ قاباتى بار كابەلدىك ءونىمنىڭ مۇناي-سۋاستى جانە فوتوۆولتايكالىق ءتۇرىن شىعارامىز. بۇل وقشاۋلاعىش پوليمەردەگى گەل-فراكتسيانىڭ قۇرامىن ارتتىرادى جانە كابەل-وتكىزگىش ونىمدەرىنىڭ فيزيكالىق-مەحانيكالىق سيپاتتامالارىن - ىستىققا توزىمدىلىكتى (تەرىس جانە وڭ تەمپەراتۋرالارعا)، اگرەسسيۆتى ورتاعا توزىمدىلىكتى ء(سىلتىلى، قىشقىلدىق ورتا) جانە رادياتسياعا توزىمدىلىكتى جاقسارتۋعا مۇمكىندىك بەرەدى»، دەپ اتاپ ءوتتى «يادرولىق تەحنولوگيالار پاركى» اق  ينجەنەر-فيزيگى، جوبا جەتەكشىسى ازات نۇرقاسىموۆ.

ەۇۋ عالىمدارى عىلىمي جوبانى كوممەرتسيالاندىرۋدى جوسپارلاپ وتىر. ءوندىرىس 2023 جىلدىڭ ءى جارتىجىلدىعىندا ىسكە قوسىلادى. باستاپقى كەزەڭدە وندىرىستىك قۋاتتىلىق شامامەن 5000 كم كابەلدىك-وتكىزگىش ءونىمدى قۇرايدى. بۇل رەتتە ولاردىڭ 2 مىڭ شاقىرىمىنا وففتەيك-كەلىسىمشارت جاسالادى. بۇل وسى ونىمگە سۇرانىستى كورسەتەدى. قازىر فوتوۆولتايكالىق جانە مۇناي-سۋاستى كابەلدەرىن وندىرۋمەن، موديفيكاتسيالاۋمەن جانە وتاندىق نارىققا BetaIzol دەگەن اتاۋمەن شىعارۋمەن اينالىساتىن ستارتاپ-كومپانيا قۇرىلدى.

عالىمدار ازىرلەگەن رادياتسيالىق-موديفيكاتسيالانعان وقشاۋلاۋ قاباتى بار كابەل ونىمدەرىن ءوندىرۋدىڭ جاڭا تەحنولوگياسى 2023-2025 جىلدارعا ارنالعان گرانتتىق قارجىلاندىرۋعا يە بولدى.

بۇگىندە ەۇۋ عالىمدارى ءوزىن-ءوزى رەتتەءيتىن جىلىتۋ كابەلىن شىعارۋدىڭ جاڭا تەحنولوگياسىن ازىرلەۋدى قولعا الدى. بۇل سۋمەن جابدىقتاۋ جۇيەلەرى مەن كارىز قۇبىرلارىن مۇزداتۋ ماسەلەسىن شەشۋگە، سونداي-اق عيماراتتاردىڭ شاتىرلارىنا ەشبىر زيان كەلتىرمەي، قاردان تازارتۋعا مۇمكىندىك بەرەدى.