بۇعان دەيىن جاسوسپىرىمدەر اراسىنداعى دودالاردا سان مارتە دارالانىپ, مىقتىلىعىمەن تەننيس ماماندارىنىڭ كوزىنە تۇسكەن زاڭعار وتكەن جىلدىڭ جەلتوقسانىنان بەرى جوعارى ساناتقا اۋىسىپ, بۇگىندە ITF Juniors تۋرنيرلەرىندە ونەر كورسەتىپ ءجۇر.
جۋىردا وتانداسىمىز سلوۆاكيانىڭ ترناۆا قالاسىندا جالاۋى جەلبىرەگەن 18 جاسقا دەيىنگى تەننيسشىلەر اراسىنداعى دودادا بارلىق قارسىلاسىن تىزە بۇكتىرىپ, جاڭا جاس ساناتىنداعى ءوزىنىڭ العاشقى ءىرى جەڭىسىنە قول جەتكىزدى. ول فينالدا جەرگىلىكتى تەننيسشى دانيەل بالاشەكپەن شەبەرلىك بايقاسىپ, ءۇش سەتكە جالعاسقان ماتچتا 6:4, 3:6, 6:2 ەسەبىمەن باسىم ءتۇستى.
زاڭعار بىلتىرعى تەننيس ماۋسىمىن Tennis Europe رەيتينگىندە ۇزدىك وندىقتىڭ ىشىندە اياقتاپ, ۇزاق ۋاقىت چەمپيوندىق كەستەدە كوش باستاعان-دى.
