قما اقتوبە وبلىسى بويىنشا دەپارتامەنتى وبلىستىق پروكۋراتۋرامەن بىرلەسىپ ەسىرتكى جانە پسيحوتروپتىق زاتتاردى اسا ءىرى كولەمدە ساقتاۋ جانە وتكىزۋ فاكتىلەرى بويىنشا سوتقا دەيىنگى تەرگەپ-تەكسەرۋدى جۇرگىزىپ جاتىر.
«قارجىلىق بارلاۋدىڭ تالدامالىق ماتەريالدارى نەگىزىندە جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە ەسىرتكىنىڭ تۇرلەرىن, ونىڭ ىشىندە سينتەتيكالىق ەسىرتكىلەردى اسا ءىرى كولەمدە ساتۋمەن اينالىسقان اقتوبە قالاسىنىڭ تۇرعىنى انىقتالدى. جەدەل-ىزدەستىرۋ ءىس-شارالارى ناتيجەسىندە ول قىلمىس ۇستىندە ۇستالىپ, ونىڭ تۇرعىلىقتى جەرىندە ءتىنتۋ جۇمىستارى جۇرگىزىلىپ, ودان «Alfa-PVP» سينتەتيكالىق ەسىرتكى زاتى; كوكاين جانە كاننوبينويدتى توپتىڭ ەسىرتكى زاتتارى تابىلىپ, تاركىلەندى», دەپ حابارلادى ۆەدومستۆودان.
اتالعان ازامات ۇستالىپ, ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر. تەرگەۋ مۇددەسىندەگى باسقا اقپارات جاريا ەتىلمەيدى.
