بالالار مەن جاسوسپىرىمدەر تەننيسى داميدى

ەلەنانىڭ بۇل تابىسى، ءسوز جوق، قازاق­ستان تەننيسى ءۇشىن تاريحي ناتيجە بولدى. ولاي دەۋگە نەگىز، بۇگىنگە دەيىن وسى سپورت ءتۇرىن سەرىك ەتكەن بىردە-ءبىر جەرلەسىمىز «ۇلكەن دۋلىعا» ساناتىنداعى تۋرنيرلەردىڭ جەكەلەي سىنىندا ۇزدىكتەر قاتارىنان كورىنە الماعان. دەسە دە، ياروسلاۆا شۆەدوۆا (2010، 2012) مەن يۋليا پۋتينتسەۆا (2016، 2018) ەكى مارتە جانە ەلەنا رىباكينا (2021) ءبىر رەت «رولان گارروس­تىڭ» شيرەك فينالىنا دەيىن جەتكەن. سونداي-اق پۋتينتسەۆا 2016 جىلى «ۋيمبلدون» مەن 2020 جىلى اقش-تىڭ اشىق بىرىنشىلىگىندە ءدال سول مەجەدەن كورىنگەن-ءدى. قازاقستاندىق تەننيس­­شىلەردىڭ «ۇلكەن دۋلىعا» سانات­تارىنداعى بار جەتىستىگى وسى.

تەننيسشىلەرىمىز جاڭا 2023 جىلدى دا ءساتتى باستاپ وتىر. اتاپ ايتار بول­ساق، وتكەن اپتادا ەلەنا رىباكينادان بو­لەك، ايەلدەر اراسىنداعى «چەلەندجەر» تۋر­نير­لەرىندە باق سىناپ جۇرگەن جىبەك قۇلامباەۆا مەن گوزال اينيتدينوۆا، بىل­تىر جاسوسپىرىمدەر اراسىنداعى ازيا قۇرلىعىنىڭ رەيتينگىندە كوش باستاعان البينا كاكەنوۆا جانە ەرلەر اراسىنداعى قازاقستاننىڭ ەكىنشى راكەتكاسى تيموفەي سكاتوۆ وزدەرى قاتىسقان تۋرنيرلەردىڭ ءفيناليسى اتاندى.

وسى ورايدا، قازاقستان تەننيس فەدە­راتسياسىنىڭ پرەزيدەنتى بولات وتە­مۇ­را­توۆ تەننيسشىلەردى ايتۋلى جە­ڭ­ىستەرىمەن قۇتتىقتاپ، اپتا ناتيجەلەرىن قورى­تىن­دىلادى.

«ەلەنا رىباكينا – ەل تاريحىندا تۇڭعىش رەت اۋستراليا اشىق چەم­پيونا­تىنىڭ فينالىنا شىعىپ، قازاقستان جانكۇيەرلەرىنە تاماشا ەموتسيا سىيلادى. بۇل فينال – ەلەنانىڭ ءوزى ءۇشىن، جالپى ەلىمىزدە تەننيس سپورتىنىڭ، اسىرەسە ايەلدەر اراسىندا تەننيستىڭ ءارى قاراي دامۋىنا زور سەپتىگىن تيگىزەدى دەپ ويلايمىن. مەن ەلەناعا جو­عارى دەڭگەيدە ونەر كورسەتكەنى ءۇشىن ريزا­شىلىعىمدى بىل­دى­رگىم كەلەدى. بۇل – ەلىمىزدە تەننيستىڭ تابىستى دامىپ كەلە جاتقانىنىڭ ءبىر كورىنىسى. Australian Open فينالىنا دەيىن جەتۋ – شەبەرلىك پەن تۇراقتىلىقتىڭ بەل­گىسى. دودا با­رىسىن­دا ەلە­نا الەم­دىك رەي­تينگىنىڭ كوشباسشىسى يگا شۆەن­تەكتى جانە تاعى باسقا دا مىقتى­لار­دى تىزە بۇكتىردى. ولاردىڭ ۇشەۋى – «ۇل­كەن دۋ­لىعا» ءتۋر­ني­رىنىڭ جەڭىمپازى. ەلەنا­نىڭ ءتۇرلى توسەنىشتەگى كورتتاردا ءوزىن ەركىن سەزىنىپ، قارسىلاسىنا بايلانىستى تاكتيكاسىن ساۋاتتى قۇراتىنى، ءوز ويىنىن ۇنەمى جەتىلدىرىپ كەلە جاتقانى ايقىن كورىنىپ تۇر. جىلدىڭ ءساتتى باستالۋى الداعى جەڭىستەرگە جول اشادى دەپ ۇمىتتەنەمىن»، دەدى بولات ءجاميت ۇلى.

سونداي-اق قازاقستان تەننيس فەدەرا­تسياسىنىڭ پرەزيدەنتى ەلىمىزدە تەننيسپەن شۇعىلدانامىن دەگەن بارلىق جانعا جاقسى جاعداي جاسالىپ جاتقانىن اتاپ كورسەتتى. «كەيىنگى بىرنەشە جىلدا قازاقستاندا بالالار مەن جاسوسپىرىمدەر تەننيسىن دامىتۋعا كوپ كۇش سالىپ جاتىرمىز. قازىردىڭ وزىندە ءبىز قىزدارىمىزدىڭ ءار جاس ساناتىندا جاقسى سپورتتىق كور­سەتكىشتەرگە قول جەتكىزىپ وتىرعانىن بايقايمىز. سوندىقتان ءبىزدىڭ ەرەسەك كاسىپقوي تەننيسشىلەرىمىزدىڭ جەتىس­تىكتەرىمەن قاتار، ITF Juniors، ITF World Tennis Tour، ATF Juniors، Tennis Europe جانە باسقا دا تۋرنيرلەردەگى، سونداي-اق جاسوسپىرىمدەر اراسىنداعى جارىستارعا قاتىساتىن سپورتشىلاردىڭ ناتيجەلەرىن ەرەكشە اتاپ وتكىم كەلەدى. مىسالى، بىر­نەشە كۇن بۇرىن البينا كاكەنوۆا بەدەلدى Australian Open 2023 Asia-Pacific Elite 14 & Under Trophy ءتۋرنيرىنىڭ ءفي­ناليسى اتاندى. وتكەن جىلى البينا ATF Juniors سەرياسىندا بارلىعى ءتورت تۋر­نيردە جەڭىسكە جەتىپ، 14 جاسقا دەيىنگى ازيا رەيتينگىندە ماۋسىمدى 1-ورىنمەن اياقتادى. كەشە عانا ءۇندىستاندا ءوتىپ جاتقان ITF W40 ءتۋرنيرىنىڭ فينالىندا تاعى ەكى سپورتشىمىز – جىبەك قۇلام­با-ە­ۆا مەن گوزال اينيتدينوۆا ونەر كورسەتتى.

بىلتىر «ۋيمبلدون» تۋرنيرىندە قازاق­ستاننىڭ ءۇش ايەل تورەشىسى ال­عاش رەت جۇمىس ىستەدى. ولاردىڭ ءبىرى يۋليا يگنات­چەنكو مۇ­نارا تورە­شىسىنىڭ «كۇمىس بەل­گىسىن» ال­عان ەلى­­مىزدەگى ال­عاشقى تورەشى بولدى. قا­زاقستان تەن­نيس­شىلەرى ال­داعى ۋاقىتتا دا جاقسى ناتيجە كور­سەتىپ، جان­كۇيەر­لەرىن تا­عى دا قۋان­تادى دە­­گەن ويدامىن. سونداي-اق وي­ىن­شى­لا­رى­مىزعا قول­داۋ بىل­دىرگەن بار­­­شا جان­كۇيەر­گە العىس ايتا­مىن»، دەدى ب.وتە­مۇ­را­توۆ.