بيۋرونىڭ جاڭا قۇرامىمەن وتكەن العاشقى وتىرىستا ماۋلەن اشىمباەۆ پالاتانىڭ الدىندا اۋقىمدى مىندەتتەر تۇرعانىن ايتىپ, سەنات جۇمىسىنداعى باسىم باعىتتارعا توقتالدى.
الداعى پالاتا وتىرىسىندا سەناتورلار بۇعان دەيىن ءماجىلىس قابىلداعان بىرنەشە زاڭدى قارايدى.
سولاردىڭ ءبىرى «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى قىرعىز رەسپۋبليكاسىنىڭ 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتتى, ەۋرازيالىق ەكونوميكالىق وداقتىڭ قۇقىعىنا كىرەتىن جەكەلەگەن حالىقارالىق شارتتاردى جانە ەۋرازيالىق ەكونوميكالىق وداق ورگاندارىنىڭ اكتىلەرىن قولدانۋى جونىندەگى جاعدايلار مەن وتپەلى ەرەجەلەر تۋرالى 2015 جىلعى 8 مامىردا قول قويىلعان حاتتاماعا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭ. بۇل قۇجات ەكىجاقتى ۋاعدالاستىقتاردى جۇزەگە اسىرۋ مەرزىمدەرىن ۇزارتۋ ىسىندە مەملەكەتتەر اراسىنداعى ىنتىماقتاستىقتى نىعايتۋعا باعىتتالعان. زاڭ ەۋرازيالىق ەكونوميكالىق وداقتىڭ قۇقىعىن قالىپتاستىراتىن حالىقارالىق شارتتار مەن اكتىلەردىڭ كەدەندىك قۇقىقتىق قاتىناستارىن رەتتەيتىن تالاپتارعا سايكەستىگىن قامتاماسىز ەتۋگە مۇمكىندىك بەرەدى.
سونىمەن قاتار سەناتورلار الداعى بەيسەنبىدە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك داۋلارى مەن جانجالدارىن شەشۋ ءتارتىبىن وڭايلاتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارايدى. ول ەلىمىزدىڭ ەڭبەك داۋلارىن رەتتەۋ جانە كەلىسسوزدەر پروتسەستەرىن ۇيىمداستىرۋ ماسەلەلەرىنە قاتىستى زاڭناماسىن جەتىلدىرۋدى كوزدەيدى. قۇجاتقا كەلىسۋ كوميسسياسىنىڭ قىزمەتىنە, ۇجىمدىق ەڭبەك داۋلارىن شەشۋدەگى كاسىپوداقتاردىڭ ءرولىن ناقتىلاۋعا, سونداي-اق جينالىستار نەمەسە ەسكەرتۋ ەرەۋىلدەرى وتكىزىلۋى مۇمكىن جاعدايلارعا جانە باسقا دا ءتيىستى ماسەلەلەرگە قاتىستى تۇزەتۋلەر ەنگىزىلمەك.
