ماسكاتقا ساپار بارىسىندا قازاقستاندىق دەلەگاتسيا باسشىسىنىڭ پرەمەر-ءمينيستردىڭ ورىنباسارى حانزادا اسااد بەن تاريك ءال سايدپەن, سىرتقى ىستەر ءمينيسترى بادر بەن حاماد ءال-بۋسايديمەن جانە قارجى ءمينيسترى سۇلتان بەن ساليم ءال-حابسيمەن ەكىجاقتى كەزدەسۋلەر وتكىزبەك.
ماناماعا ساپار اياسىندا ەلىمىزدىڭ سىرتقى ساياسي ۆەدومستۆوسىنىڭ باسشىسى باحرەين كورولى حاماد بەن يسا ءال حاليفامەن, تاق مۇراگەرى سالمان بەن حاماد ءال حاليفامەن جانە سىرتقى ىستەر ءمينيسترى ابدۋللاتيف بەن راشيد ءال-زايانيمەن كەزدەسۋلەر جوسپارلانعان.
اتالعان ەلدەردىڭ باسشىلىعىمەن كەلىسسوزدەر بارىسىندا ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىنتىماقتاستىقتى ودان ءارى دامىتۋ ماسەلەلەرى تالقىلانادى.
سونىمەن قاتار قازاقستان رەسپۋبليكاسىنىڭ ۇكىمەتى مەن ومان سۇلتاندىعىنىڭ ۇكىمەتى اراسىندا بىرلەسكەن قازاقستان-ومان كوميسسياسىن قۇرۋ تۋرالى كەلىسىمگە, سونداي-اق قازاقستان رەسپۋبليكاسىنىڭ سىرتقى ىستەر مينيسترلىگى مەن ومان سۇلتاندىعىنىڭ سىرتقى ىستەر مينيسترلىگى اراسىندا ساياسي كونسۋلتاتسيالار تۋرالى ءوزارا تۇسىنىستىك تۋرالى مەموراندۋمعا قول قويۋ جوسپارلانعان.
