ەرجان ءبىرجانوۆ كوپشىلىكتى مازالاعان بانكروتتىق ماسەلەسىنە قاتىستى سۇراقتارعا جاۋاپ بەردى.
«ازاماتتارعا 5 جىل ىشىندە (لومباردتاردىڭ ميكروكرەديتتەرىن الۋدان باسقا) بانكتەردەن جانە ميكروقارجى ۇيىمدارىنان كرەديت بەرىلمەيدى. سونىمەن قاتار 7 جىلدىڭ ىشىندە قايتا بانكروتتىققا جۇگىنە المايدى. ولاردىڭ قارجىلىق جاعدايى بانكروتتىقتان كەيىن ءۇش جىل بويى تەكسەرىلەدى. تولەم قابىلەتتىلىگىن قالپىنا كەلتىرۋ كەزىندە مۇنداي سالدار قولدانىلمايدى», دەدى ە.ءبىرجانوۆ.
ۆيتسە-ءمينيستردىڭ ايتۋىنشا, ءوزىن بانكروت رەتىندە جاريالاعان ادام 7 جىل بورىشكەرلەردىڭ تىزىمىندە تۇرادى. كەيىنىرەك 7 جىلدان كەيىن قايتا نەسيە الۋ مۇمكىندىگى ازايادى. بانك بىردەن باس تارتۋى مۇمكىن. سەبەبى بارلىق بانكتە بورىشكەرلەر ءتىزىمى تۋرالى مالىمەت الۋعا مۇمكىندىك بولادى. وسىنداي جاعدايلاردى ەسكەرىپ, بانكروتتىقتىڭ سوڭعى امال ەكەنىن ءتۇسىنۋ كەرەك.
گۇلشاحرا سانسىزباي
