ەكىباستۇزدىڭ جاعدايى وڭالار ەمەس

«ەكىباستۇزجىلۋەنەرگو» جشس باس ديرەكتورىنىڭ مىن­دە­تىن اتقا­رۋ­شى دميتري زاحاروۆ جىلۋ جەلىلەرىندەگى توتەن­شە جاعدايدان كەيىن ستانسادا قازان­دىق اگرەگاتتارىنىڭ تۇراق­تى جۇمىسىن قامتاماسىز ەتۋ جانە پارامەترلەردى تۇراق­تان­دىرۋ ءۇشىن جابدىقتاردى جوندەۋ، ال­دىن الۋ شارالارى كۇن سا­يىن جۇر­گىزىلىپ جاتقانىن ايتادى. وسى­­­­عان بايلانىستى جىلۋ كوز­دە­رىنەن بوساتىلعان جىلۋ تاسى­مال­دا­عىش­تار جوسپارلانعان مول­شەر­دەن تومەن بولىپ وتىر.

– ستانسادا بارلىق قاجەتتى رەسۋرستار، تەحنيكالىق جاب­دىق­­­تار، جوندەۋ بريگادالارى بار. الايدا قازىرگى جاعداي ازىرشە تۇر­عىن ۇيلەردەگى تەمپەراتۋرالىق پارا­مەترلەردى قۇرىلىس نورمالارى مەن ەرەجەلەرىنە ساي­كەس تەڭەس­تى­رۋگە مۇمكىندىك بەر­مەي وتىر. قالانى جىلۋمەن قامتۋدىڭ تەمپەراتۋرالىق كەستەسىنىڭ ساق­تالماۋىنا، تەمپە­را­تۋرالىق پارا­مەتر­لەردى قالپى­نا كەلتىرۋ بويىنشا رەتتەۋ جۇ­مىس­­تارىن جۇرگىزۋگە بايلانىس­تى ستانسا باسشىلىعى بيىلعى قاڭتار ايى ءۇشىن جىلۋ ەنەرگياسى بويىنشا تولەمدى قايتا ەسەپتەيتىن بولىپ ۇيعاردى. 2023 جىلعى قاڭتارداعى جىلۋ ەنەرگياسىمەن قامتۋ جونىندەگى قىزمەتتەردىڭ قۇنىن قايتا ەسەپتەۋ الگوريتمى 10 اقپانعا دەيىن، تۇتىنۋشىلار تولەمىن ەسەپتەۋ جۇرگىزىلگەننەن كەيىن ۇسىنىلادى، – دەيدى كا­سىپورىن باسشىسى.

جەرگىلىكتى حالىق الەۋمەتتىك جەلىلەردە پاتەرلەرىنىڭ سۋىق ەكە­­­نىنە ءالى كۇنگە شاعىمدانىپ جاتىر. قالا تۇرعىندارىنىڭ كوبى ۇيىندە جاۋراپ، قوسىمشا جى­لىت­قىش قۇرالدار ىزدەپ جاتىر. امالى قالماعان كەيبىر ازاماتتار پاتەرلەرىنىڭ قابىرعاسى مەن تەرەزەلەرىنە جىلىتقىش ماتە­ريالدار جاپسىرىپ، بولمە­دەگى تەمپەراتۋرانى كوتەرۋگە ارە­­كەتتەنۋدە. الايدا قانجىلىم با­تا­­­رەيالار قىستىڭ سۋىعىن سىرت­قا ايداپ شىعۋعا قاۋقارسىز.

جۇرتتىڭ شاعىمىنا وبلىس باسشىلىعى تۇراقتى تۇردە نازار اۋدارىپ وتىرعانىن ايتىپ وتەيىك. وبلىس اكىمى اسايىن بايحانوۆ ەكىباستۇزعا اپتا سا­يىن بارىپ، ونداعى جوندەۋ-قال­پى­نا كەلتىرۋ جۇمىستارىنىڭ بارى­سىن باقىلاۋدا. سوڭعى رەت اكىم №7 ورتا مەكتەبىندە بولىپ، جىلۋ جەلىلەرىن جوندەۋ جۇ­مىس­تارىنىڭ بارىسىن تەكسەردى جانە جەدەل شتابتىڭ وتىرىسىن وتكىزدى. اپات ايماعىندا قالعان مەكتەپ قازىر جىلىنىپ، بولمەلەر تەمپەراتۋراسى 18-23 گرادۋسقا كوتەرىلدى. بىرنەشە كوشەدە قۇبىرلاردى جاڭارتۋ اياقتالعان.

ا.بايحانوۆ جوندەۋ جۇمىس­تا­رىنىڭ قارقىنىن باسەڭدەت­پەۋدى جانە الەۋمەتتىك نىساندارعا ەرەكشە نازار اۋدارۋدى تاپسىردى. قاڭتار ايىنىڭ سوڭىنا دەيىن قالا تۇرعىندارىنىڭ قاۋىپ­سىز­دى­گىن قامتاماسىز ەتە وتىرىپ، جوندەلگەن ۋچاسكەلەردىڭ 80 پا­يىزىن ىستىق سۋمەن قايتا تولتىرۋدى مىندەتتەدى. بۇل تالاپتار ورىندالماسا، كوممۋنالدىق قىزمەت مەكەمەلەرىنىڭ جاۋاپتى تۇلعالارىنا قاتىستى اكىم­شىلىك شارالار قابىل­دا­نا­تى­نىن ەسكەرتتى.

وبلىس اكىمى ءباسپاسوز قىزمە­تىنىڭ مالىمەتىنشە، بۇگىنگى تاڭدا ەكىباستۇزداعى جىلۋمەن جاب­دىق­تاۋ جەلىلەرىندەگى 130-دان اسا زاقىم جويىلعان. وزگە اقاۋ­لار­دى جويۋ شارالارى تاۋلىك بويى جالعاسىپ جاتىر. كەنشىلەر قالا­سى­نىڭ كوممۋنالدىق قىزمەت­تەرىنەن بولەك اپات ورىندارىندا وبلىس ورتالىعىنان كەلگەن اۆاريالىق بريگادالار بار.

پاۆلودار وبلىسى،

ەكىباستۇز قالاسى