توتەنشە جاعدايلار ءمينيسترى يۋري يلين «قازگيدرومەتتىڭ» بولجامى بويىنشا رەسپۋبليكانىڭ وڭتۇستىگى مەن وڭتۇستىك-شىعىسىندا 31 قاڭتار مەن 4 اقپان ارالىعىندا قار ارالاسقان قاتتى جاۋىن-شاشىن بولىپ, تەمپەراتۋرا كوتەرىلەتىنىن حابارلادى. ونىڭ ايتۋىنشا, قالىڭ قاردىڭ ەرۋىنەن سۋ جينالىپ, بۇل ءوز كەزەگىندە مۇزدىڭ كۇرت ەرۋى مەن وزەندەردە سۋ دەڭگەيىنىڭ كوتەرىلۋىنە اكەپ سوعۋى مۇمكىن.
وسىعان بايلانىستى الماتى, تۇركىستان, قىزىلوردا, جامبىل جانە جەتىسۋ وبلىستارىنا 30 قاڭتاردان باستاپ ازاماتتىق قورعاۋ بولىمشەلەرىنىڭ جۇمىسىن كۇشەيتۋ تاپسىرىلدى.
پرەمەر-مينيستر وڭىرلەردىڭ اكىمدىكتەرى تجم-مەن بىرلەسىپ, قاجەتتى شۇعىل شارالاردىڭ بارلىعىن قابىلداۋى قاجەت ەكەنىن اتاپ ءوتتى.
«قازىر بىزگە سۋ تاسقىنىنا دايىندىق شارالارىن كۇشەيتۋ كەرەك. اۋا رايىنىڭ كۇرت جىلىنۋىنان تاسقىن قاۋپى تۋىنداپ وتىرعانىن كورىپ وتىرمىز. بۇل باعىتتا ءتيىستى ءىس-شارالاردى جەدەل ۇيلەستىرۋ ءۇشىن پرەمەر-ءمينيستردىڭ ءبىرىنشى ورىنباسارى رومان سكليار باستاعان ارنايى ۇكىمەتتىك كوميسسيا جۇمىسىن باستايدى», دەدى ءاليحان سمايىلوۆ.
