كەزدەسۋ بارىسىندا حالىق سوت اكتىلەرىن ورىنداۋعا, جىلجىمايتىن م ۇلىككە قۇقىقتاردى تىركەۋگە, مۇراگەرلىك ىسكە, ادۆوكاتتىق جانە نوتارياتتىق قىزمەتتى جۇرگىزۋ تارتىبىنە قاتىستى پروبلەمالىق ماسەلەلەردى كوتەردى. مينيستر ولار بويىنشا قولدانىستاعى زاڭناما شەڭبەرىندە تۇسىنىكتەمە بەردى.
سونىمەن قاتار كەزدەسۋدە مينيستر زاڭ كومەگىن كورسەتۋ سالاسىنداعى يننوۆاتسيالار تۋرالى, اتاپ ايتقاندا تەگىن زاڭ كومەگىنە كەپىلدىك بەرىلگەن ادامدار توبىن كەڭەيتۋ تۋرالى ايتتى. وسىلايشا از قامتىلعان جانە كوپ بالالى وتباسىلار, تۇرمىستىق زورلىق-زومبىلىق, ازاپتاۋ قۇرباندارى, 1 جانە 2 ساناتتاعى مۇگەدەكتەر, زەينەتكەرلەر تەگىن زاڭ كومەگىنە جۇگىنە الادى.
اتقارۋشىلىق ءىس جۇرگىزۋ جونىندەگى ماسەلەلەرگە توقتالا وتىرىپ, ازامات ەسقاراەۆ ازاماتتارعا ىڭعايلى بولۋ ءۇشىن مەملەكەتتىك شەكارا ارقىلى وتكىزۋ پۋنكتتەرىندە جانە قوعامدىق ورىنداردا ورناتىلعان تەرمينالدار, سونداي-اق «كaspi بانكى» مەن «قازپوشتا» ءموبيلدى قوسىمشالارى ارقىلى ونلاين رەجيمدە بەرەشەكتى تولەۋ مۇمكىندىگى قاراستىرىلعانىن حابارلادى.
بۇدان ءارى تسيفرلاندىرۋ شەڭبەرىندە digital Justice – تسيفرلىق ادىلەت جوبالارىنىڭ 12-ءسىن جەتىلدىرۋ بويىنشا اتقارىلىپ جاتقان جۇمىس جايىندا ايتتى. بۇل – «تسيفرلىق نوتاريات» جوباسى (نوتارياتتىق قىزمەتتەردى ونلاين فورماتتا اۋدارۋ, QR كومەگىمەن قۇجاتتارعا قول قويۋ), «ە-زاڭ كومەگى» جوباسى (ەلەكتروندىق نۇسقادا زاڭ كومەگىن كورسەتۋ), «اتتەستاتتاۋ رەينجينيرينگى» جوباسى (اۋماقتىق ادىلەت ورگاندارىندا نوتاريۋس, ادۆوكات, جەكە سوت ورىنداۋشىسى بولعىسى كەلەتىن ۇمىتكەرلەردىڭ كوميسسيالىق اڭگىمەلەسۋدەن جەكە ءوتۋىن بولدىرماۋ. ونىڭ ورنىنا كومپيۋتەرلىك تەستىلەۋدەن جانە سيتۋاتسيالىق كەيستەردەن ءوتۋ بولادى), سمارتفونداردان مەملەكەتتىك قىزمەتتەردىڭ قولجەتىمدىلىگى, مەملەكەتتىك قىزمەتتەردى كورسەتۋدىڭ پرواكتيۆتى جانە كومپوزيتتىك فورماتى, ميب تسيفرلاندىرۋ (ميب ەلەكتروندىق داۋىس بەرۋدى جۇرگىزۋ جانە ونى ەلەكتروندىق تىركەۋ).
قورىتىندىلاي كەلە, ا.ن.ەسقاراەۆ ەلىمىزدە اكىمشىلىك راسىمدىك-پروتسەستىك كودەكستىڭ قابىلدانۋىمەن ءبىر جىلدان استام ۋاقىت بۇرىن اكىمشىلىك ادىلەت ىسكە قوسىلعانىن, اكىمشىلىك سوتتار پايدا بولعانىن اتاپ ءوتتى.
سونداي-اق مينيستر اۋماقتىق ادىلەت دەپارتامەنتى مەن اقتوبە وڭىرارالىق سوت ساراپتامالارى ورتالىعىنىڭ قىزمەتكەرلەرىمەن دە كەزدەسۋ وتكىزدى.
