قازاقستان پرەمەر-ءمينيسترى ءاليحان سمايىلوۆ پەن يراننىڭ اۋىل شارۋاشىلىعى ءمينيسترى سەيەد دجاۆاد ساداتي نەدجاد اگرارلىق جانە كولىك-لوگيستيكالىق سالالارداعى ىنتىماقتاستىقتى كەڭەيتۋ پەرسپەكتيۆالارىن تالقىلادى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
پرەمەر-مينيستر 2022 جىلعى قاڭتار-قاراشا ايلارىندا ەكى ەل اراسىنداعى تاۋار اينالىمى 20%-دان استامعا ءوسىپ، $500 ملن قۇراعانىن اتاپ ءوتتى. سونىمەن قاتار ءوزارا ساۋدا كولەمىن ودان ءارى ۇلعايتۋ ماقساتىندا قازاقستان يران نارىعىنا جالپى قۇنى شامامەن $250 ملن بولاتىن قوسىمشا 75 تاۋار پوزيتسياسىن جەتكىزۋگە دايىن.
«اۋىل شارۋاشىلىعى قازىرگى تاڭدا دامۋ پەرسپەكتيۆاسى وتە جوعارى سالا بولىپ وتىر. ونىڭ ءوزارا ساۋداداعى ۇلەسى – شامامەن 80%. ءبىزدىڭ ەلدەرىمىزدە اوك ءونىمىنىڭ تاۋار اينالىمىن $1 ملرد-قا دەيىن ارتتىرۋعا مۇمكىندىك بار»، دەدى ءاليحان سمايىلوۆ.
ۇكىمەت باسشىسىنىڭ ايتۋىنشا، قازاقستان ۇكىمەتى ەكى ەلدىڭ باسشىلارى قويعان جالپى ساۋدا كولەمىن $3 ملرد-قا دەيىن ۇلعايتۋ جونىندەگى مىندەتتى ورىنداۋ ءۇشىن بەلسەندى جۇمىس ىستەۋگە دايىن.
سونىمەن قاتار ءاليحان سمايىلوۆ ءوزارا ءىس-قيمىلدىڭ نەگىزگى باعىتتارىنىڭ ءبىرى كولىك-لوگيستيكا سالاسى ەكەنىن اتاپ ءوتتى. بۇل تۇرعىدا «سولتۇستىك-وڭتۇستىك» كولىك ءدالىزى ەرەكشە ماڭىزعا يە.
«وسى مارشرۋتتىڭ وتكىزۋ قابىلەتىن ۇلعايتۋ بويىنشا بىرلەسكەن شارالار قابىلداۋ، اتاپ ايتقاندا، «تار جەرلەردى» جويۋ جونىندەگى جول كارتاسىن بەكىتىپ، ونى ىسكە اسىرۋ جاقىن بولاشاقتا جۇك تاسىمالداۋ كولەمىن ەداۋىر ۇلعايتۋعا جول اشار ەدى»، دەدى ءاليحان سمايىلوۆ.
ونىڭ ايتۋىنشا، جول كارتاسىن ىسكە اسىرۋ 2025 جىلعا قاراي ءدالىزدىڭ وتكىزۋ قابىلەتىن جىلىنا 10 ملن تونناعا دەيىن ارتتىرۋعا مۇمكىندىك بەرمەك.
سونىمەن قاتار يراننىڭ اۋىل شارۋاشىلىعى ءمينيسترى ساۋدا جانە جۇك تاسىمالداۋ كولەمىن ۇلعايتۋ ءۇشىن تەمىرجول جەلىسى مەن تەڭىز ينفراقۇرىلىمىن ودان ءارى دامىتۋدىڭ ماڭىزى زور ەكەنىن اتاپ ءوتتى، سونداي-اق يران قازاقستان نارىعىنا تسيترۋس ونىمدەرىن جەتكىزۋ كولەمىن كەڭەيتۋگە دايىن ەكەنىن مالىمدەدى.
كەزدەسۋگە پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين، اۋىل شارۋاشىلىعى ءمينيسترى ەربول قاراشوكەەۆ، وزگە دە ۆەدومستۆولاردىڭ باسشىلارى، سونداي-اق يراننىڭ ديپلوماتيالىق توپتارى مەن پارلامەنت وكىلدەرى قاتىستى.
پرەزيدەنتتىڭ قاراپايىمدىلىعى قاتتى ۇنادى – شاۆكات راحمونوۆ
سپورت • بۇگىن، 23:06
مەرەكە • بۇگىن، 08:53
بۇۇ ناۋرىزى: الەمدى ۇيلەستىرەتىن مەيرام
مەرەكە • بۇگىن، 08:50
اباي • بۇگىن، 08:47
مەرەكە • بۇگىن، 08:45
مەرەكە • بۇگىن، 08:43
ۇقساس جاڭالىقتار
