سپورتتى بارلىق باعىتتا دامىتۋ قاجەت

مادەنيەت جانە سپورت ءمينيسترى اسحات ورالوۆ بيىل سپورتشىلار­دى، جاتتىقتىرۋشىلارعا الەۋ­مەت­تىك قولداۋ شارالارىن كورسەتۋ، مۇمكىندىگى شەكتەۋلى سپورتشى­لارعا جاعداي جاساۋ جانە تاعى دا باسقا جۇمىستار جالعاساتىنىن اتاپ ءوتتى. «بيىل جاتتىقتىرۋشى-وقىتۋشىلارعا توپتاردى باس­قار­عانى جانە سپورتشىلاردى جوعارى سپورت ۇيىمدارىنا بەرگەنى ءۇشىن، سونداي-اق سپورتتىق اتاقتارى ءۇشىن ۇستەمەاقىلار مەن قوسىمشا اقى­لاردىڭ جاڭا تۇرلەرىن ەنگىزۋدى جوس­پارلاپ وتىرمىز»، دەدى ا.ورالوۆ.

ا.كولگىنوۆ سپورتتى دامىتۋ تەك كاسىبي سپورتشىلاردىڭ كور­سەت­­كىش­تەرى مەن جەتىستىكتەرى عانا ەمەس، سونىمەن قاتار بۇكىل ۇلتتىڭ ساۋ­­لىعى ەكەنىن اتاپ ءوتتى. سوندىق­تان سپورت جانە دەنە شىنىق­تىرۋ سا­لاسىن بارلىق باعىتتا دامىتۋ قاجەت.

– مەملەكەت باسشىسى سپورتتى دامىتۋعا، ونىڭ ىشىندە بۇقا­­را­لىق سپورتقا، بالالار مەن جاس­وسپىرىمدەر مەكتەپتەرى مەن فەدەراتسيالارىن قولداۋعا ەرەكشە نازار اۋدارادى. سپورت نىسان­دارىندا تاپشىلىق بار ەكەنىن ەسكەرە وتىرىپ، 2025 جىلعا دەيىن 100-دەن استام سپورت كەشە­نىن سالۋ قاجەت. بۇل 300 مىڭنان استام ادامدى سپورت ساباق­تارى­مەن قامتۋعا مۇمكىندىك بەرەدى. سپورت ينفراقۇرىلىمى جوق وڭىر­لەردە، ەلدى مەكەندەردە مودۋل­دىك سپورت عيماراتتارىن سالۋ كەرەك. مادەنيەت جانە سپورت مينيستر­لىگى وڭىرلەرمەن بىرلەسىپ، وسى باعىتتاعى جۇمىستى جانداندىرۋى قاجەت، بارلىق نىسان بەلگى­لەنگەن مەرزىمدە تاپسىرىلۋى ءتيىس، – دەدى ۆيتسە-پرەمەر.

پرەمەر-ءمينيستردىڭ ورىن­باسارى بيىل بالالارعا ارنال­عان سپورت سەكتسيالارى مەن شى­عار­ما­شىلىق ۇيىرمەلەرگە 87 ملرد تەڭ­گەگە جۋىق قاراجات بولىنەتىنىن اتاپ ءوتتى. بۇل 560 مىڭنان استام بالا­لار مەن جاسوسپىرىمدەردى تەگىن ساباق­تارمەن قامتۋعا مۇمكىندىك بەرەدى. (2022 جىلى – 400 مىڭنان استام).

مادەنيەت جانە سپورت مينيستر­لىگىنىڭ وكىلدەرى دە بالالار اراسىندا ۇلتتىق سپورتتى ناسيحاتتاۋ باسىم مىندەتتەردىڭ ءبىرى ەكەنىن ايتتى. «قازاق كۇرەسى» مەملەكەتتىك سپورتتىق تاپسىرىس شەڭبەرىندە قارجىلاندىرىلاتىن سپورت سەك­تسيا­لارىنىڭ تىزىمىنە ەندى. سونداي-اق ولار­دىڭ قاتارىنا «توعىز­قۇما­لاق» جانە «اسىق اتۋ» ۇلت­تىق سپورت تۇرلەرىن ەنگىزۋ جوس­پار­لان­عان.

سونىمەن قاتار مينيسترلىكتىڭ الدىندا كاسىپقويلاردىڭ، جات­تىق­تىرۋشىلار مەن مامانداردىڭ بىرىڭعاي ەلەكتروندىق دەرەك­قورىن ىسكە قوسۋ مىندەتى تۇر. بازا سپورت­شىنىڭ فيزيكالىق جانە مورالدىق جاعدايىن، ونىڭ كۇش­تى جانە ءالسىز جاقتارىن وبەك­تيۆتى باعالاۋعا جول اشادى. سون­داي-اق تالانتتاردى ىزدەۋ جانە دامىتۋ جونىندەگى جۇمىس­تى جۇيە­لەۋگە، سپورتشىلار مەن جات­تىق­تىرۋ­شىلاردى باعالاۋ كەزىندە سۋبەك­تيۆتىلىكتى بولدىرماۋعا مۇمكىندىك بەرەدى.

سونداي-اق القا وتىرىسى بارى­سىندا 2023 جىل – وليم­پيا­داعا دەيىنگى جىل ەكەندىگى اتاپ ءوتىلدى. مادەنيەت جانە سپورت مينيس­ترلى­گىنىڭ ۇلتتىق وليمپيا­دالىق كوميتەتپەن جانە فەدەرا­تسيالارمەن بىرلەسىپ، الداعى پاريج-2024 جازعى وليم­­پيا ويىندارىنا ساپالى دا­­يىندىقتى قامتاماسىز ەتۋى ما­ڭىزدى. فەدەراتسيا جۇمى­سى­نىڭ نەگىزگى كورسەتكىشتەرى وليم­پيا ويىندارى مەن الەم چەم­پيو­نات­تارىنداعى ناتيجەلەر بولادى.