بالامالى جازىلىم جۇرگىزىلەدى

ءبىزدىڭ نەگىزگى پروبلەمامىز – گازەتكە جازىلۋشىلار سانىنىڭ ازدىعى. بۇل پروب­لەما تەك ءبىزدىڭ گازەتتىڭ عانا ەمەس، بارلىق باسىلىمداردىڭ نەگىزگى ماسەلەسى دەپ بىلەمىز. كەزىندە 3 مىڭ تيراجى بار باسىلىمنىڭ بۇگىندە تارالىمى 1 500-گە دەيىن تومەندەدى. اۋداندا 29 مىڭ تۇرعىن بار دەسەك، بۇل – وتە از كورسەتكىش.

بۇعان گازەتتى حالىققا تاراتۋ ماسەلەسىندەگى ولقىلىقتاردىڭ بولۋى سەبەپ. ويتكەنى تۇرعىندار تاراپىنان «قازپوشتاعا» ايتىلاتىن سىن كوپ. ماسەلەن، گازەتتىڭ ۋاقتىلى وقىرمانعا جەتپەۋى سالدارىنان تيراج ءتۇسىپ كەتتى. سوندىقتان بيىلدان باستاپ گازەتكە بالامالى جازىلىمدى قولعا الدىق. بۇل رەتتە رەداكتسيا قىزمەتكەرلەرى وقىرمانداردى گازەتكە جازىلۋعا وزدەرى تارتىپ، جازىلۋ ناۋقانىن ويداعىداي ۇيىمداستىردى. بىراق بۇل قىزمەتكەرلەرگە قوسىمشا جۇك بولىپ وتىرعانى جاسىرىن ەمەس.

سونداي-اق رەداكتسياداعى تاعى ءبىر پروبلەما – جارنامانىڭ ازدىعى. ارنايى جوسپار جاساقتالىپ، تۇيتكىلدىڭ ءتۇيىنىن تارقاتۋ جۇمىسى جۇرگىزىلىپ جاتىر. دەسە دە بۇگىندە تۇرعىندار الەۋمەتتىك جەلىنىڭ دامىعان زامانىندا گازەت ارقىلى جارناما جاساۋعا ق ۇلىقسىز بولىپ وتىرعانى – اششى شىندىق.

بۇعان قوسا مامان تاپشىلىعى دا قاتتى سەزىلەدى. بۇل – جىلدار بويى شەشىلمەي كەلە جاتقان وزەكتى ماسەلە. قازىر رەداكتسيادا رەداكتور جانە ەكى جۋرناليست قانا اقپارات تاراتىپ ءجۇر. وسى رەتتە جاستاردىڭ اۋىلدىق جەرلەردە جۇمىس ىستەگىسى كەلمەيتىنى، جالاقىنىڭ ازدىعى دا ماسەلەنى كۇردەلەندىرىپ وتىر. سوندىقتان «ديپلوممەن اۋىلعا» باعدارلاماسىنا جۋرناليست ماماندارىن قوسسا جاقسى بولار ەدى.

ءمولدىر ىزتۇرعانوۆا،

«مaqat tynysy» قوعامدىق-ساياسي گازەتىنىڭ باس رەداكتورى