تۇراقتى بىرىنشىلىكتىڭ شىعىس جانە باتىس كونفەرەنتسياسىنىڭ اۋتسايدەرلەرى اراسىندا وربىگەن ماتچتىڭ نەگىزگى ۋاقىتىندا ەسەپ اشىلعان جوق. كەزدەسۋدىڭ العاشقى كەزەڭىندە «بارىس» ويىنشىلارى باسىمدىق تانىتقانىمەن, قارسىلاستارىنىڭ قاقپاسىنا شايبا سوعا المادى. دجەرەمي براككو مەن دميتري شەۆچەنكودا گول سوعاتىن 100 پايىزدىق تاماشا مۇمكىندىك بولعانىمەن, ەكەۋىنە دە سوڭعى ساتتە دالدىك جەتىسپەدى.
ەكىنشى كەزەڭ تولىعىمەن «سەۆەرستال» حوككەيشىلەرىنىڭ ۇستەمدىگىمەن ءوتتى. سەبەبى ايدىن يەلەرى مۇزايدىندا ءجيى ءتارتىپ بۇزىپ, بىرنەشە رەت كىشى ايىپپەن جازالاندى. سان باسىمدىعىنا يە بولعان قوناقتار «بارىس» قاقپاسىنىڭ ماڭايىندا ايتارلىقتاي قاۋىپتى شابۋىل ۇيىمداستىردى. بىراق يۋليۋس گۋداچەكتىڭ وسال تۇسىن تابا المادى. وسى كەزەڭدە چەرەپوۆەتستىڭ كومانداسى «بارىس» قاقپاسىنا 17 ءدال سوققى جاسادى. ماتچتىڭ نەگىزگى كەزەڭى تەڭ ەسەپپەن اياقتالعان سوڭ, ويىن وۆەرتايمعا ۇلاستى. قوسىمشا مينۋتتا دا ەكى كوماندانىڭ ويىنشىلارى مەرگەندىگىمەن كوزگە تۇسە المادى. ءسويتىپ جەڭىمپاز كلۋبتىڭ ەسىمى بۋلليتتەر سەرياسىندا انىقتالدى. بۇل سىندا «سەۆەرستال» حوككەيشىلەرىنىڭ باعى جاندى – 1:0. جەرلەستەرىمىز كەلەسى ماتچىن بۇگىن چەليابىنىڭ «تراكتورىمەن» وتكىزەدى.
