«24 قاڭتاردا ساعات 09:00-دە الماتى وبلىسى تجد پۋلتىنە قاراساي اۋدانى قاسكەلەڭ وزەنىنىڭ ارناسىنىڭ مۇزدانۋى ورىن العانى تۋرالى حابارلاما كەلىپ ءتۇستى. الماتى وبلىسىنداعى قاسكەلەڭ وزەنىنىڭ ارناسىندا «سارى ارقا» شيپاجايىنىڭ اۋدانىندا ۇزىندىعى 300 م-دەن اساتىن مۇز قۇبىلىستارى ەسەبىنەن سۋ دەڭگەيىنىڭ كوتەرىلۋى بايقالدى», دەلىنگەن الماتى وبلىسى تجد ءباسپاسوز قىزمەتىنىڭ حابارلاماسىندا.
ۆەدومستۆو مالىمەتىنشە, سۋ دەڭگەيىنىڭ كوتەرىلۋىن تۇراقتاندىرۋ جانە سەڭ ءجۇرۋىن بولدىرماۋ ءۇشىن وزەن ارناسىن مۇز قۇبىلىستارىنان تازارتۋ بويىنشا الدىن الۋ جۇمىستارى جۇرگىزىلگەن. قازسەلدەنقورعاۋدان مامانداندىرىلعان تەحنيكا كاماز بازاسىنداعى ەكسكاۆاتور (گرەدولا), جەدەل اۆتوموبيل جانە اۆاريالىق-مەحانيكالاندىرىلعان بريگادا قىزمەتكەرلەرى جۇمىلدىرىلعان.
12:20-دا قابىلدانعان شارالارمەن قاسكەلەڭ وزەنىنىڭ ارناسىن تازارتۋ جۇمىستارى اياقتالدى, جاعالاۋ سىزىعىنان تىس سۋدىڭ تولىپ كەتۋ قاۋپى جوق, سۋ دەڭگەيى تومەندەدى. سۋ باسۋ قاۋپى جويىلدى.
